Versets bíblics populars de Aromayi 12

Fye to je anyì ye əfye vyi m, ama fye la əfye abwugba shnado ɓa kwu zè awoiwoyi. Nlonu n fye ɓa myi fya tumwi jesnu fya tuɓwa n əɓo n kwo zhni Shekwoyi ɓəye; əwo ɓəye manai, dadai jesnu n kwo nunui.

Ntucenu, əmi azaje n əmi amapwii, mi tna fye əɓwa, ntu n Shekwoyi snusnugye ɓo, fye kwu əfye anayi ga n zhni nyagbmi wyewyeyi nya, n gyigyiyi, n əkwo əɓo da Shekwoyi; dəye nu zhni əfye mwamwaga hnihnii jesnu ceewoi nya.

Fye dagbma fyi ń awyetu, fye ɓwa bwugba fyi n azhnìgye, fya kwu zhni a gbenuyi fyi ń aduwazhni.

Fye to fa nukwoi kwa gyi fye əsnu m, ama fye gyi nukwoi əsnu n manaii.

Fye kwu əfyehni ga fyi ń aje akwnu dna ń yeye. Əza wo ga əwo ədo mwamwa n du əwohni.

Ɓəshishi nu yeyewu kwaa zè ədu gbmanyi ɓəzhni. Wnunu n nukwoi; la gyima ń əɓo n kwo zhni manai.

Ngye kwo ɓa yezhni, shikwonyi kwo vyi shi fye wu nu, fye gyianyì n bwugbafui n zahozahoyii.

Fye to gbaɓota m, əmi anugwnudo ayeyeyi, fye la aba ga ntu Shekwoyi minagyi napyei ɓo, ntuge kwo kafyilo: “Tagba zhni əmi nya nu; Mi ɓə gbaɓota,” əɓo nu n Dagayi wa da.

Fye to kwu zhi ntna wyenyi m, ama fye kwu əfye yeyewu zafnu shiɓwa kamkam, fyei zhni Dagayi tnutnu.

Ntu ń shebmyashi ɓo ń a ncei ga mi nyi, mi gna zahozahoyi ń fye: To zhni əɓənubwo n du she kwo gwo ha zhni m, ama ń əkwoɓwi, zhni əhohni ɓənubwo n ədnai, vyi gaiciyaganunui ń Shekwoyi la gná ga zahozahoyi n fye nyi.

Fye to gba nukwoi əta n nukwoi m. Fye zhni pəceye fya zhni əɓo n kwo bmya n zahozahoyi awyeba.

Fye gyianyì n əɓwai dnado n ajei. Fye to mwa əfyehni tukwo m, ama fye ye azaje nabai fya kwnu asese n aza yii n ɓa gbàgbài. Fye to kwu nu zhi n tukwomwai m.

N əkwoɓwi: “Ngye əho nuwnuyi gnyilo n myikwnui, ga wo nyagyi; ngye nuwna myikwnu wo əwo lo, ga wo nyaho wa sni. N fya zhni nlonu, fye ɓa gnyi fyei ye anakna kpe əfye nuwnuyi nu n tukwo.”

Fye kpe aza yi anabəlika ń ɓa she fye wyena nyi; fye kpe ɓa anabəlika nu, fye to kpe ɓa aknyi m. Fye dagbma n aza yii n ɓa dagbma; fye zhni bwugbazhii n aza yii ń ɓa fyi n bwugbazhii.

Fye ce anya ga Dagayi aza n ɓa fyilo n snagyi. Fye zhni fyei gwo azhiɓeyi n yeyei.

N ɓwasnu she zahozahoyi ń yi, ń nayii gbmanyi nu, n agai mwa bəgyé, jesnu aga ye vnyanya, ɓa ta zhni tnutnu gbmanyigbmanyi nu m. Ntulonu dna ń Kirisiti, əyi, kwo shikwonyi, yi mwa bəgyé lo, yi zhni nayi gbmanyi nu, jesnu əga dəhodəhoi zhni aga aje vnyanya nya nu.