Versets bíblics populars de Ɓəkpəkpəyawu 2

“Dudulonu mi n ɓəyei shi lo tu n əfye tukwo: Fye lá yeye ya n fye ɓəə ncei n kpmisnuii nyi.

“Fye pa asna ɓo aba n fye ɓə kaya nyi! Fye yeabwi fya zhni aɓo n fye ɓə shnizhni n kpmisnui nyi. N fye to yeabwi m, mi ɓa ɓe əfye aba ma lá əfye pyitila-kwnuyi n əkwo aba.

“Fye to wodna ntuge fye ye fya gyeazhnì m. Əmi nu gna fye, Shetam ɓə kwu azaho fyi n fye ń zhalu, nabai wa mwi fye, jesnu wa wu fye awyesnugbegye aɓo anyipyei ngwnu-awo. Fye kwu myizhi n gaiciyaganunui, kwo kwoi ɓə la lo əfyí nya nu, jesnu mi ɓə ga fye wyewyeyi, kwoi la zè əfye nasalagyi fnunyi.

“Əza n wo n atnubwai lo, akpəge wo wo əɓo n Zafnu gna aikilisiya nyi. Ga əza n wa gyi nasala, mi ɓa ga wo shnuwna gyigyi wyewyeyi nya wa gyi, n kwo nu zhni paradisi Shekwoyi aza nya.”

“Mi kpe əfye atnutnu əye lo, əfye tnutnu shnawoi ɓədo n əfye əmìfyii. Mi kpəlo nge fye ta ye lo n akpizhniyii m, nge fye kwu aza yi tumwi n ɓa gna nge ɓa zhni atnutnuloyi nyi, ama ɓa to zhni əɓa nu m, jesnu fye kwu gye nge ɓa zhni akwocednayi nu.

“Fye kwu əmìfyi jesnu fye lá bwugbaɓwa azhnìgye nya ntu əmi əye ɓo, jesnu a too ɓe fye m.

“Əza n wo n atnubwai lo, akpəge wo wo əɓo n Zafnu gna aikilisiya nyi. Əza n wo ɓə gyi nasala, mi ɓə ga wo manna ho n kwo sosoishì. Njesnu mi ɓə ga wo kwuta bwuibwui n əye woiwoyii ka tu n kwo, əza n wo ɓə gwo kwo nyi, əwo nu ɓə ɓwa kwo əyekpé.