Versets bíblics populars de Marukwus 2

Shi Yeisu ɓə wo ɓəye wa gna ɓa, “Lafyiyada ta zna shigbeda shni m, ama nyasnayi. Mi to ɓe ma yi aɓəfyeceyi nu m, ama aleifyida.”

She Yeisu ɓə gye əɓa gaiciyaganunui, wa gna nayi-fyífyiyida yi, “Nugwnu, a kwu əho aleifyi zo ho.”

Nlonu wa gna ɓa, “A ɓə zhni Sibyiwyi ntu zanyikwoci ɓo nu, toge zanyikwoci ntu Sibyiwyi ɓo m.

Shikwonyi ɓa to ɓə ɓwa zokwo ń ɓa ɓá si n woi ń Yeisu aba m, ntu deeji ɓo, ɓa bma nyakwnusni tukwo, aba n Yeisu ɓə gnyi nyi, ɓa bma kwo əɓwo shni ncei jesnu ɓa shni n pəcei ń nyasnai ɓə tu nyi.

Ama mi ncei pmalo fya kwu kpe nge Əza Nugwnu n ikwoi lo dna ń anyì wa zo aleifyi.” Ntulonu wa gna əza ń nayi ɓə n woi fyífyiyi nyi ge, “Mi gna ho, laka, kwu əho pəce ha lo əho pwuwa.”

Knyidei nu gna wo lo faafa: a gna nayi-fyífyiyida ye, ‘A kwu əho aleifyi zo ho,’ kwo a gna, ‘Laka, kwu əho pəce ha znazna a’?

Wa laka gnyiagnyi wa kwu əwo pəce wa znazna lo ɓai gye wo əwye vnyanya. Dəye kwa ga zahozahoyi ɓəwowo, ɓa ci Shekwoyi, ɓai gna, “Yi too shni ɓəye pya gye nlai m!”