Versets bíblics populars de Jemyis 1

Əmi azaje azanugbai ɓədo n əmi amapwii, əsahosahoi n fya gwnudo n amwumwui bəgye gbowogbowo; fyaa kwo gwo nge agbmada tnadodnai nya nu. Ntuge fye kpəlo nge əfye gaiciyaga mwumwu, kwo ɓe n əmìfyii nu.

Ngye əzaho lo n əfye n tna wyemwa, akpəge wo nya Shekwoyi əkwo ɓo; n əwo nu ga aza vnyanya n əɓwai loloiya n tna aɓəma nyi, njesnu a ɓa ga wo.

Əmi aza ayeyeyi azanugbai n amapwii, fye kwu ɓəye wnawye: zahozahoyi wo pye n tnubwaknai, ama wo to pye n ɓədai m, njesnu wo to pyé n minagyi gyii m

Fa əfye əmìfyi kwa kwu əkwo tnutnu zozhni nabai n fye ɓa kwu akpikwo jesnu n nunui, n tna nyahonyahoi əsnagyii.

Fye to ɓwa ɓədagbma tnubwa knakna nu m, kwa zhni fya dna əfyehni kwoce m. Ama fye zhni əɓo ń kwa gna a zhni.

Əza anabəlikada nu n waa əwohni wnashì dna ń mwumwui, ntuge she wo ɓə kwu nasala gyi n mwumwui, əza yi ɓə gwo fnunyi wyewyeyi nya n Dagayi wo la əkwo əgbe shi wa ga aza yi n ɓa ye wo nyi.

Nyaga manai n nunui tnagyifyi dəhodəhoi, kwo gbmi n əshemi nu, n kwo shniɓe ń Dada əshemi abwuznagna nya aba, əwo n wo ta shnaba ngye ajejelukwo nyi m.

Zahozahoyi n wo kna ɓədagbma tnubwa ama to wa zhni əɓo n kwa da nyi m, wo wulo ngye əza nu n wo shi əwohni awyeba awye dna n maganyi. Jesnu shi wo kwu əwohni zo awyeshi wa lakala nsayisayii waa zamwi shi əwo awyeba n wu lo.

Shekwoznashni zokwo n Shekwoyi əyi Dada gwo nge tnadodnai jesnu tnaɓətui, əkwo nu nyi: a shi akwuwyi awye ɓədo n anyigbayii dna n əɓa azhnìgye sa. Njesnu əza wo la əwohni wnakna to wa ye nge anyìgyi cegyetu nya kwa wnu wo ya m.

Əsa n əza ɓwa mwumwu, əza yi to gna, “Shekwoyi nu gnyi woi mwu mi m,” Ntuge a taa tu Shekwoyi mwi ń ɓənukwoi m, kwo nge wa mwi zahozahoyi m. Ama zahozahoyi ɓwa mwumwu əsa nu n əwohni ɓəpwawo nukwoi ɓədo n aɓəwyedai gnyi wo lo ncei nu.

Avyiyi n ɓa fyilo n awyekwo n nyipma nyi; kwo kwnuce lo ɓa gbma fyi n əɓa mwamwa yaakwo n Shekwoyi wo la ɓa latu nyi.