Versets bíblics populars de Afyisuyi 4

Fye zhni aje shebmyashi njesnu fya wu aje snusnugye, fyei zo aje abwi n ɓwasnu shi, dna n Kirisiti, Shekwoyi ɓə zo fye abwi nyi.

Fye kwu əfyehni atukwogba shaasha, jesnu fya zhni pəceye, fya ɓwamì n ajei dna n yeye.

To ye ɓəda nukwoi dəhodəhoi kwa gbmiɓe n əho əgbe m, akpəge əɓo n kwo ɓa ga bmazhni ntu azaje mimi ɓo, shi ɓa n əkwo apmai lo, nabai n kwo ɓa bma aza yi zhni n ɓa wo nyi.

Fye la bwugbalilii kwnuya vnyanya, n napyei n minagyii, anyàwu n əyewnuyai, ɓədo n ɓəshinmì dəhodəhoi pyai.

“Dna n əho minagyi to zhni leifyi m” To ye nyipyei kwa shni hoi ye tu n əho minagyi m, jesnu to ga Shetam apitatu aba m.

Ntu əfye anyìgyi kwokwoyi ɓo, a ɓə kwu wu fye nge, fye la əfye əza kwokwoyi kpmaya, n kwo gnyi kwoi wnuya n əkwo aɓəpwawo kwocedna nyai nyi; a kwu fye zhni awoiwoyi fyi n aɓənubwozhni əfye abwugba nya; njesnu fya kwu əzawoiwoyi kpe, n a ɓə zhni wo, waa wu ngye Shekwoyi dna n ɓəfyece hnihnii n gyigyii.

Fye zhni ɓəhoɓəhoi nabai fya shi gbedogwnu Zafnu nya ɓwa, dna n bwugbafu n kwo nu n fyei yeɓədo nyi.

Ntulonu Kirisiti n əwohni tukwoi nu ɓə ga anyaga ye: atnutnuloyi, sheaɓəgwognayi, awaazizhniyi, apasto n anyawuyii. Nabai wa kwu atnutnu akaya fyi əwo aza na akwnu ntu n tnutnu zhni ɓo, nabai ami Kirisiti nayi. Kwa nya əsa n əyi vnyanya ɓə lá ɓwadnado dna n gaiciyaga, jesnu dna n ɓəyekpe Shekwoyi Nugwnu nya, jesnu yii kwu akpikwo, yii kwu si aba n yi ɓə kwu zhi n nunuyi n Kirisitii vnyanya.

Nlonu yi to ɓə kwu je zhi n zhni aɓyipwutu, ai zè əyi awye gwnugwnu n shnishnii m, ai knyiaɓwaya lo ɓwoye n ɓwayii n nyawu dəhodəhoi n agbakwnuyi nukwoi azagyifyiyii, zhni apma ncei n əɓa kwocedna m. N əkwoɓwi, yi da gaiciyanunui dna n yeye, ya mwa ya kwu zè əwo nayi akpikwoi fyi n zokwo dəhodəhoi n əwo nu zhni tukwo nyi, Kirisiti nuu nu.