Versets bíblics populars de Eksodas 8

Comparteix

Nao ol kleva blong king oli mekem majik blong olgeta blong traem mekem mostik i kamaot, be oli kanduit. Nao oli go talem long king se, “Hemia God ya i mekem samting ya.” Be king i no save lesin long olgeta, i stap mekemhed yet, mo samting ya i stret olsem nomo we Hae God i talem fastaem.

Nao hem i talem long Moses bakegen se, “Moses. Yu go luk king, yu talem long hem we mi mi talem se, ‘Yu mas letem ol man blong mi oli kam mekem wosip long mi.

Be taem king i luk we ol frog ya oli ded evriwan finis, hem i mekemhed bakegen. Hem i no save lesin nating long Moses mo Eron, mo samting ya i stret nomo olsem we Hae God i talem fastaem.

Sipos yu no harem tok blong mi, bambae mi panisim yufala evriwan long ples ya. Bambae mi mekem kantri ya i kam fulap long ol frog.

Nao Hae God i talem bakegen long Moses se, “Yu talem long Eron blong i kilim graon long wokingstik blong hem, nao long olgeta ples long kantri ya, asis blong graon bambae i kam mostik.”

Nao Hae God i mekem we ol flae oli kam kavremap ol ples insaed long haos blong king, mo long ol haos blong ol haeman blong hem. Ol flae ya oli mekem ol ples long kantri ya i kam nogud we i nogud.