Versets bíblics populars de San Matew 28

Comparteix

Zeel, gol chej guidib guidxliuj, gol biglüü ree bejn din gac reeman da bejnan. Gol baroobnijs reeman por dux Dad ree, por Xiꞌnman në por xSprijtaman, gol balüü tëë reeman din guzoob reeman diidx gra ni ma rnin lëjt. Abiꞌ naj gazunëꞌ lëjt gradxejczi xt chi nit guidxliuj. Amén.

Dxel bibig Jesús loj reeman, rëbaman: ―Dios ma banee gra guialrniabee din ganabeen xanyabaa në loj guidxliuj.

Dxel rëb anjl guin loj ree béngunaa guin: ―Ad rdxebidi, ragbeen cayguiilidi Jesús bén cwa loj crüjz. Per achutri laaman guie, ma babanman ziꞌc naman. Gol guida nial din guguiaadi lod gudixh reeman laaman.

abiꞌ rëbaman loj reeman: ―Ad rdxebidi. Gol chej, gol biguiedx loj ree da bejnan din che reeman Galilea, ni guguiaa reeman naj.

Dxel wej ree bixhioz rniabee guin bigneenë reeman guxtis Israel ree persi bayaꞌn reeman diidx xhie güün reeman. Abiꞌ dad zroꞌ milia badëëd reeman loj ree suldad guin, rëb reeman: ―Con gol güjdx loj ree bejn: “Guxhin laꞌtgaj nadoodyëjsan, biꞌt ree xbejn Jesús abiꞌ gulan reeman xcuerpaman.” Abiꞌ bal gagbee gobernador, dunujn yaneenëꞌ laaman chitëë xhie güünnëman lëjt. Dxel cwaꞌ ree suldad guin milia guin abiꞌ been reeman ziꞌc rëb reeman. Laan na̱j diidx ni nareꞌch loj ree bén Israel xt yan.