Versets bíblics populars de Lomɛ́ŋ 14

Á kiákí puŋaaŋa pú Támbák tipá kupiyak kúnyaánɛ kupuwa, maná púnyɛ indɛ́ndɛ́nɛ, kiyeéwe, iyayɔ́, kuólin ké enfúnukufúúmɛ. Ewú ukɔtinɔnɛ́ Kilíise á nunamá nukáánɛ́, nyɛ peseé ku Támbák. Wɛkɛnikɛnɛk peseé ó pusíó pu pɛɛnd.

Indɛ tuɔ́sɔ́tɔn, tuɔ́sɔ́tɔn ó pusíó pú Ɔkɔ́n, indɛ tuékúen, tuékúen ó pusíó pú Ɔkɔ́n. Tɛ kúpá ɛ́ɛ́ tuɔ́sɔ́tɔn, tɛ kúpá ɛ́ɛ́ tuékúen tuɔ́kɔɔ́pinɔn Ɔkɔ́n.

Akáánɛ́ ɛniɛlɛ tuamba epú puakanɛ kiyeéwe ne epú puwakanɛ káásɔ́ ɛ́ kikɛtɛ́kɛtɛ́ɛ ɛ́ɛ́ tusuŋuna á kuátap.

Tutipísóósósí pasúɛ na pasúɛ: Túsɔ́mb ɛ́ɛ́ tutiɛlɛ́ puandá pú kusésitenyi waakúás kúnyaánɛ pú kukuusi wɔ.

Punyɛ puɔ́ŋɔ́n ɛ́ɛ́: Inyɛ ɔ́ kusɔ́t Ɔkɔ́n wɔɔyɔɔnɛ́ɛ anakáánɛ́, tunúúnú kitikit éényísuke káámɛ ó pusíó, á toukál tuum pɛɛnd éényéekenyi Támbákɛ́ɛ nuúmu. Akáánɛ́ mɔɔnd kitikit ɔ́nyɔ́ɔ́yɔn Támbákɛ́ɛ puandá umɛɛ́lɛ́.

Pínɛ́ɛ́kin waakúán utiányípá na pukaaka á kuátap, ɛtipɛn wɔ kɛ́ɛ́yɛ́ kí ímbitakitɛn.

Anyɛ kiakí ɛ́ɛ́ ósósosi eŋelípuólí u sɔ́k? Tɛ kupá ɛ́ɛ́ usiapínan kúnyaánɛ unyɛ kí indɛ́ndɛ́nɛ, púóyooson ɔkɔ́n wɛɛyɛ́. Maná ukapa kí indɛ́ndɛ́nɛ, á kiákí ɛ́ɛ́ ɔkɔ́n ápian pukaaka pú kupínɛ́ɛ́kin wɔ.