Versets bíblics populars de Lomɛ́ŋ 12

Nutiɔŋɔ́n ɛ́ kuɛl kú kúúsí ekue, maná anupá penúkésí ne kiséndie kí insiŋí yaanɔ́, ɛ́ɛ́ númenyi kilɔ́ɔ́ŋɛ́t kí Támbák: Epú púnyɛɛ́ peseé, epú púpɔtɔkɔninɛ́ wɔ́, púnyɛɛ́ tɛ kipalalá.

Yaánúfáan kɔk insúŋɛ paandimán, ɛ́ niɛ́n ɔsúkɛ ní Támbák, ɛ́ núpíeki panɔ́ muɛ́t pifunɔ́ pítiányípá pikúén, pifúúmak indɛ́ndɛ́nɛ ó pusíó pú Támbák: Púkapá kɔk kisay kíánɔ́ kí kiliínditíe.

Ánupían ipali ó pipíóndínyí ɔtɛ́m, nupílimbe é muyu, nuésepenyi kí imbísókólí.

Atipíyapá ɛ́ɛ́ kilɔk kunyɛ́ɛn, maná píányɛ́n kilɔk é peseé.

Iŋɔyɔ yaanɔ́ núlata panúɛ na panúɛ; É nukum, nuákinan ɔ́ niɔlɔ́.

Iŋɔyɔ yaanɔ́ pá kémuémue. Ɔ́nupínɔɔ́nínɔ́n kilɔk, ánupíkútíkán é peseé.

Kipán kɔk, aká punyɛɛ́ kupá káánɔ́, ɔ́nusɔ́tɔ́n é kiyeéwe na mɔɔnd kitikit.

Paandimán páámɛ pí iŋɔyɔ, índɛ mɔɔnd siɛnúɛl kilɔk nutipíóndi, maná anuyapá ilópi í Támbák ɛ́ɛ́lɛ puólí púɛ́yɛ́, á kiákí ɛ́ɛ́ púnyɛ puɔ́ŋɔ́n ɛ́ɛ́; Niŋɔ inyɛɛ́ no kipíóndio, niŋɔ yoónyóondinyonyée, niŋúɛ Ɔkúnɛ́ɛ.

Na kutáám tɛ métukíe, ne kiliínditíe kiiŋɛnyɔ́, ɔ́nukɔtɔ́n Ɔkɔ́n.

Ɛ́ kisiɛ́n kí kiandá kí peseé pámímfá, yɔɔ́kɔɔyɔn sikɛ mɔɔndɛ; nutipímékétesi ké etényi nutíányípá nueken á wɔ, ánupá pepíselésí ɛ́ɛ́ nutiambá pútiányípá káánɔ́ ké etényí, sikɛ mɔɔndɛ á kuátap Támbák meékí wɔ.

Nutiondínyí mɔɔnd kilɔk ɔ́ kilɔk: Ánuambá kuɛlɛ peseé ó pusíó pú mɔɔnd kitikit.

Ánupá ekelú omoómí: Nutiambá maandá mɔɔkɔ́n, maná ánuambá puuselésí. Nutipíkɔ́lɔ́n ɛlɛɛ́ pɛɛnd pí insiŋí.

Maná índɛ okóyikoyi waawɔ insaná áánúma wɔ, ekí wɔ púkunya, índɛ niíta áánúma wɔ ekí wɔ púkupúwa, aká ɛɛlɛnɛ́ anakáánɛ́, áákúman wɔ́ kikɔnyi kí yiik kɛ́ɛ́yɛ́ kɛ́ ɛtɔ.

Énupínúúné epé pénúséésenyée; Énupínúúné nutinyɔmɔ. Ánuyayápá ne péépé pɛ́nyɛɛ́ kí ipali, núpaŋa ne péépé pápaŋanɛ́ɛ.

Ánupá iŋɔnɔkɔn é púúpú púsémenené peétépí, ɔ́nukɔ́lɔ́n peseé epé póóloné kuanɔ́.

Á kiákí ɛ́ɛ́ yá aná tupianɛ́ malááŋ kutek ɔ́ nuɔ́l númoómí, malááŋ kɔk makáánɛ́ tipá mɔ́kɔtɔ puandá púmoómí, anakáánɛ́ tunyɛɛ́ táásɛ, tunyɛ nuɔ́l númoómí é Kilíis, pasɔ́ peem kɔk tunyɛ malááŋ papílatá pasúɛ na pasúɛ, sikɛ mɔɔnd ɛ́ kíɛ́yɛ́ kiáyí.