Versets bíblics populars de Lomɛ́ŋ 10

Índɛ kááwɔ é niít éékeémenyi ɛ́ɛ́ Yésus nyɛ Ɔkɔ́n, oondo kááwɔ kɔ́ ɔtɛ́m, aátapan ɛ́ɛ́ Támbák meémí wɔ́ á pilɔ́ŋ, aányípá etúkúnén.

Á kiákí ɛ́ɛ́ kuátap kɔ́ ɔtɛ́m ááyuukan kí indɛ́ndɛ́nɛ, kupípala é niít ááyuukan ó kisótio.

Akáánɛ́ kuátap óókoólinon é púúpú tupítɔ́likɔnɛ́ɛ, tupítɔ́likɔn nukál nú Kilíis.

Á kiákí ɛ́ɛ́ ɔnfiɔŋ ɔ́ɔ́kɔɔyɔ ɛ́ɛ́: Ewú ne ewú waátapanɛ́ wɔ tiɔ́nyɔɔ́p ɛtɔ kunua. A káánɛ́ kiséndie tipá ne Yúútɛn nɛ piɛ́nɛɛ́n pilotí; Peem áápian Ɔkɔ́n omoómí, weekenyée pɔ́ pinɔ́k pí maandá ɛ́ɛ́ pɛɛnd kitikit pápílanɛ́ wɔ. Akáánɛ́, ewú ne ewú waányípílanɛ́ kisíén kí Ɔkɔ́n ányípa etúkúnén.

Tiɛkíɛ́ kɔk ɛnyɛɛ́ ukupéke índɛ atipá atúmán? Yá anɛ púnyɛɛ́ puɔ́ŋɔ́n ɛ́ɛ́: Pikɔ́nd pí péépé pékemené insɔ́m yi indámb inyɛɛ́ kupɔt.

Maná, tiɛkíɛ́ kɔk páányípílanɛ́ wɔ́ pɔ́ tɛ kuátap wɔ? Tiɛkiiɛ́ pɛ́nyɛɛ́ kuátap wɔ́, pɔ́ tɛ kuɔ́p wɔ? Pɔ́ɔ́p wɔ́ tiɛkíɛ́ kɔk índɛ mɔɔnd siɛlɛ utipékít wɔ.

Á kiákí Kilíise unyɛɛ́ mamanɛ́n mó kikotí, ɛ́ɛ́ mɔɔnd na mɔɔnd waátapanɛ́ wɔ pá indɛ́ndɛ́nɛ.