Versets bíblics populars de Matié 5

Pátipá pétúme ilámba póond pékindikin yɛ́ɛ, pɛ́ɛ́tɛ́kɛ yɛ́ɛ á kinyál é kuteekenyi pɛɛnd peem á kiansi. Yá anakáánɛ́ kisie kíánɔ́ ɛ́ɛsikɛɛnɛnɛ́ɛ kupunya ké eŋis yɛ́ pɛɛnd, ɛ́ɛ́ pɛ́ɛ́nɛn meelié máánɔ́ maatámb, péekenyi Síí waanɔ́ unyɛɛ́ mɛnɛ́mɛnɛ́ɛ nuúmu.

«Nunyi kisie kí kúúsí. Pálɛ́k akundímát kɔ́ ɔkɛ́l tipá nɛ punɛmbɔ́.

Peseé ne epé pɛ́nyɛɛ́ itɛ́m insukúná, pɛ́ɛ́nyɛ́ɛ́n Támbákɛ́ɛ.

Peseé ne epé pɛ́nyɛɛ́ ni insaná na niíta ni yaamb yi indɛ́ndɛ́nɛ, póónyóoy.

Niŋúɛ yɛɛ́pí kánu ɛ́ɛ́: ɔ́nuɔyɔ́ pokóyikoy páánɔ́, núpísókolonyi ó pusíó pú pɔsɔ́k pénúséésenyée

«Peseé ne epé pɛ́píɛ́nɛnɛ́ náánánɛ ké eŋis yá Támbák, Pufuŋ pú mɛnɛ́mɛnɛ́ɛ nyɛ púɔ́p.

Peseé ne epé páákanɛ́ kiyééwe, páányípílan pɔ́ ɛ́ɛ́ paán pá Támbák.

Peseé ne epé pɛ́nyɛɛ́ itɛ́m iwóókón, páányítáŋap ɛtɛ́k á niap ní kúúsí.

Peseé ne epé péséésenyé pɔ́ ɛ́ɛ́ pányɛ kí indɛ́ndɛ́nɛ, Pufuŋ pú mɛnɛ́mɛnɛ́ɛ nyɛ púɔ́p.

Peseé ne epé pɛ́pímɛmɛnɛ́ pɔsɔ́k, Támbák ɛ́ɛ́nyípímɛmɛti pɔ.

Peseé naanɔ́ aká pánúsikanɛ́ɛ, pénúséésenyée póondo pánúsúmban moónyi ó pusíó púámɛ, ánuyayápá, núsile, á kiákí ɛ́ɛ́ pinamá piánɔ́ mɛnɛ́mɛnɛ́ɛ nyɛ tɛ indítíkínín; yá aná pémeéséésényí peémí moónyi má Támbák pámaátúán káánɔ́.

Peseé ne epé pápaŋanɛ́ɛ, Támbák óónyíwóónit pɔ́ andilɛ́.

«Nunyɛ masɔk mé kúúsí. Índɛ masɔk siasúlɔ, tiɛkiɛ́ pɛ́nyɛɛ́ kuand kuéyi mɔ́ pinɔ́k pí masɔk? Mákanyi metuúkén. póot mɔ́ kɔ́ ɔɔ́nd pɛɛnd maatana mɔ.

Panɔ́ kɔk, ánupáán indɛ́ndɛ́nɛ aná Síí waanɔ́ u muɛnɛ́ nyɛɛ́ indɛ́ndɛ́nɛ.

Aká nukálanɛ́ɛ índɛ nusiɛl ɛ́ɛ́ “ɛ́ɛ́ɛ” púlɔp ɛ́ɛ́ ɛ́ɛ́ɛ, nuɛlɛ ɛ́ɛ́ “Aákóo” púlɔp yá aákóo: emé nuandɛɛ́ atála akáánɛ́ óókoólinon ɛ́ Yɛɛ́nduɛ.

«Numɔɔ́p pɛ́ɛlɛɛ́: “Insán niínsi iŋusán níáwɔ, imbáŋ niiŋ iŋupáŋ níáwɔ.” Maná niŋúɛ yɛɛ́pí káánɔ́ ɛ́ɛ́ mɔɔnd kuɛl kilɔk kí puandá otipióndi. Índɛ mɔɔnd siakusáp ɔmbɛ́l á nuáyɔ nuunɛm, andá otóŋinyi wɔ́ nuukányí.

«Índɛ níínsi níáwɔ niinɛm siekupúpenyi ɛ́ɛ́ ákɔɔn á kifal, sɔ́k níi, óómbó níi kááyɛ́ naawɔ: á kiákí ɛ́ɛ́ púnyɛ peseé ɛ́ɛ́ pulááŋ púáwɔ púmóómí nyími, kúkányinɛɛ́ nuɔ́lɔ́ núáwɔ nuum píómbín é yiik í kati kuwéene. Índɛ ɔmbɔ́k wááwɔ wɔɔnɛm siekupúpenyi ɛ́ɛ́ ákuun á kifal, súmbú wɔ, óómbó wɔ kááyɛ́ naawɔ, á kiákí ɛ́ɛ́ púnyɛ peseé naawɔ ɛ́ɛ́ pulááŋ púáwɔ púmóómí nyími kútápukɛɛ́ nuɔ́lɔ́ núáwɔ nuum áápiká é yiik í kati kuwéene.