Versets bíblics populars de Efesiɛ́ŋ 4

Ɔnuɔkɔnɛn paanu na paanuɛ, nií itɛ́m si makanakana. Anuyapinan pifal yá aná Támbák maanuyapɛn píánɔ́ é Kilíis.

Nuɔ́lú nuselésí ne meliemelie, nekupílimbit, nuésepenyenyi kí iŋɔyɔ panúnapanuɛ.

Pilɔk pí tukál tiamana kaanu é niít, maná indɛ púókoówon, enuemenyi pinɔ́k pí tukál pinyɛ kuaka ilúndɛ piondo piekenyi peseé é peepi pɔpitɔlikɔnɛ tuɔ.

Ekund, kuúpinyukusa, ilópi, insikɛ, iŋɔmɔn nɔ pilɔk pi máanda kitikit, meeme mɛɛsíkɛnɛn kuuman káánɔ́.

Aká ilópi mɛnyɛtikɛn wɛtɛ, utikɔn á kifal; ilópi yɛyi seéle kisíósíó ɛ́ɛ́ ɔɔni apitimɛn. Nutiyapɛn Saatanɛ nuasi.

Nuɛkɛsikɛnɛn kuyapan kusɔ́t kuanu kú insúá, nutume meelíe máánɔ́ minsua mɔ pilɔk pi pitɔndɔ kélém. Anupiyap ɛ́ɛ́ enfúnkufuúmɛ nukun imbítáákítɛ́n sian. Nuupa, pɛɛnd pɔkɔsikɔsiɛ, indɛ́ndɛ́nɛ na kati kipalala, poolinone é kémuémue, paaluŋa ɔ kilɔ́ɔ́ŋɛ́t kí Támbák.

Ánupikanikan ɔ́ kulɔpɔn á nipílat ne kiyeéwe kiólinoné ké Emfúnukufúúmɛ.

wɔ́ emeékényí pɛɛnd tupoo á tunamɛ á tunamɛ, epe petúmí, epe peémimekélié ma Támbák, pólotí poóyi insɔ́m yí indámb, pólotí andíkɛ́k peékííkí melúk ne péépé póónyonyé, ɛ́ kuɛlɛ ɛ́ɛ́ pifúmak pá na pukaaka púkuwónyi pusɔ́m pú kuwáka nuɔ́lo nú Kilíis, kuám aná tukaányíipi kuám á nipílat ní kuátap ne kumenyi kú muɔ́nɔ́ u Támbák, ké etényí ú pɛɛnd pɛ ɛsɛ́kúmɛ́n ánunamá nú indɛ́ndɛ́nɛ nú Kilíis.

Akáanɛ, tutíákandá apá paápayɔ, pátamtamɛ́ ni iŋónyítónyí tɛ sínín Pɛɛnd púmbesié pɔ́ á kipinanɔ nɛ nunɛ́m nuɔ́p. Maná, kémé kémuémue kí iŋɔyɔ, akáánɛ́ tuanyi kuman á puandá kitikit kuam ke eteny u Kilíis unyɛ ɛtɔ.