Versets bíblics populars de Málákuse 13

Comparteix

Band giod gɛɛ́y bambɛ́lɛmbɛ́l bán góbusió bá ɔfɛ́n wám, ewe gɔg ugɔnuɔ́d guám agá nisúgín, Gɔdányá gosódi wɔ́.

«Ánubɛ́nyáŋanyáŋ, nubíbídenyi, gágual ká nudɛgɔ́lɛnsan gigúl búganɔ́bɛ́dɔ́mbaan.

Gɛsɛgɛl báganɔ́baan nanɔ gá guenúgélényí, nudɛbanyɛ́g gubiófoon na ɛŋágɛ́nɛ́n gidigid ká digɔguɔ́yɔ́ giág uguány e? Nugagála bugél ubú Gɔdányá ganúnúfá gá gigúl igiány, gágual ká saá banuá nuganúgálágal, Mefúny má Gɔdányá máganúgálagál.

Na gus na muana ánɔ́dɔ́mb, gɔg, moóny mám nyɛ na bánamana.

Agá giáy gá budúg ɔ́gɔ ká gɛsɛgɛl, ta mɔnd udɛgúlɛnsan; ta ɛngɛlɛs bányá ugumuana, ta yaŋuá Mɔɔn waga, asiá Babá.

Gigúl nugɔnuɔ́bɔɔn ká bide gúbɛ́nuanan ɔ́gɔ ká bígúlén, nudɛbiá buwa, góbusió ká búgúbianan ká búbiál nɔ́: Gɔg ká, guman gá gus gabá gúmányɛ gúdɛ́bá egúy.

Énubíbídényi, gágual ká nudɛgɔ́lɛnsan niík muát nuyá sióndónó, ala na niɔb, ala na ɔdɛm wá budug, ala na gided góbusió, ɔ́gɔ na budúdug, úmósiondo gibelédényé, búdiguófon ká únúfuɔgɛn gá dunɔ́. Buanda inuɔ́yɔnɔ́, nguɔ́yɔɔn band gidigid bɔ́: Énubíbídényí.»

Bɛdɔŋ genusenyinyi, mefuŋ nuanan mɔ́mɔ́ na mɔ́mɔ́; gus biéyen mɔkɔɔ́m mɔkɔɔ́m, nsana gabá sɔ́n; búgabá anyɛ gubanyɛg gá meyú má nubiényé.

Búgaal guófoon ká egúl gidigid ɔɔ́b Ndág ya Nsɔ́m.

Giod gá band gɔbiɔ́sɛgɔɔn agá gélem gá ɔfɛ́n wám, bɔ́gɔyɔ ká: “Yaŋuá inyá Kilíse” bégenenenyi band giod.

Nubɛ́nyáŋanyaŋ. Bégenúgélenyi agá begél bɛsan, bénúgíde na dusue agá bians bás bá mbísógól. Bábaan nanɔ agá bɛngɔ́mɔnɔ na befuŋ; gám góbusió, ány, nuganúbá bél bɛ́laluá bám ɔgɔ́b góbusió.

Gágual ká mubús na bemesí bá bɛsɔbɔ ánúsiám. Bágala bigégén bá manda na bisey ká bénéni ímábá bányɛ báguámɛ́nɛn, ta band ɔbɔ́ Gɔdányá méeyíd.

«Mɔɔ́s amaány gɔg, guɔ́bɛ́g ánuál gúmádɔ́mb, na ɔɔ́ny na oól dɛɛ́nuánd guéŋeen gise, muódód ganáfɔ́gaán ugumuana músiguánán, manda mányá na bugaga ugumuana gebíbueŋidi.