Versets bíblics populars de Mata 26

Comparteix

Huni ɗiw a wan kunis, huni tar Bizlaf ara ndə huni kandəv kuni ata vah təl həji aagi, huni may a ɗal zlən ma təwah ama ŋgalaŋ kuni akas.»

Zlap a zlapatana, iŋgaya: «ꞌunəf naka taghuɗek tə a kagas a dzaka ka, huni ndza ka a ɗi abəra sa, azha huni ɗiw a wan kuni səku.»

Azha, a nda kajik ikwa atama ya, fak a fak ha tə ka ata hayak, wənək tə a hayak, dəba a atarha iŋgaya: «Vana, andza a kaɗal ci, kərəɗ zlərkuɗ yaka watsə bəza abəra sa. Ama abə may naka səku, maɗal andza may kwa,» iy.

Ara ndə a ɗa, watsə ana ampəs naka, ampəs ta dzəv ha, ma zahha aska həji aagi vərəm, aska pəl mpət ta aagi.

Tiɗa ndə aa kazəm səkən, leŋ Yesu a ji wəda, a diwzha ndə a ɗalanə wasiy bəza a Bizlaf, teŋ a teŋ ka a mən, azha pa a vəlatana a magəli tə aagi, iŋgaya: «Huni ji, huni zəmə, watsə ana zlikusəm naka.»

Zhana leŋ a ji zlərkuɗ mavə, a diwzha ndə a ɗalanə wasiy bəza a Bizlaf, pa a vəlatana a magəli tə aagi, iŋgaya: «Huni sə tiwtiw.

A diwzha, Yesu a zhinha ara magəli tə mahkaɗ watsa aagi, a ndaha a gərata aa tawan ta. Zlap a zlapanə a Piyer azha, iŋgaya: «Ikwa ya, huni kula a ndza abə nja kwa ler ŋtaguleŋ abə sa səku azha vəw?

Sa kazlapahuni: Sa kaazhin a sa mavə watsə abə huni zhana akas, a ɗa maɗ, a gwar ata vah ndə sa kaanda, a zhin a sa wiyə mavə zhana abə huni a wəzəm a la ndza bay Vana.»

Dəba Piyer a adeŋ ata zlap ndə Yesu a zlapanə, iŋgaya: «Gwamzakw a nda dza wəla, hwa tameɗ zhin mahkaɗ, hwa kasənaka səku,» iy. Tsaw a ndaa tə a bəza, dəba a ahan.

Huni gar a wəzəm, kiyzaŋkwa! Tsakwa! Ala ma kaberaka taa tə,» iy.

Yesu zlap a zlapanə azha, iŋgaya: «Zhin ŋgezle ma dagal kwa ka a wəzli tə, ara ndə a ɗa, tiwtiw həji ma kalawaɗ abə ŋgezle aagi, ŋgezle watsa ma kadenehata.»