Versets bíblics populars de Malukusa 13

Comparteix

Amu ka tondwa kwaayehe, molwevina lyange, ndele ngu te ivivimike siyo okehulilo, ota ka hupifwa.

Hano kotokeni, nye mu pahuke, shaanhyi ka mu shii kutya efimbo otali fiki naini

Nge mwa mangwa po ndele a mu yandjwa kaapanguli, inamu kala muna oshiho kutya amu ka popya shi, popyeni kehe nhyi a mu pewa pefimbo mho, shaanhyi hanye yene amu popi, ndele Omhepo Ondjapuki.

Eulu nevu ota li hulu po, ndele eehapu vage ihavi hulu po, ota vi kala po siyo aluhe.

“Esiku nefimbo kaku na ngu e li shii, nhyi oinima mbi ta yi ka ningwa, naayengeli yomeulu nenge Omonamati keli shii, ndele oTate ike.

Nge amu uvu omalwoovi neenghundana voita, inamu tila. Shaashi mbi oyi na okuningwa, ndele ehulilo inali fika natango.

Hano kaleni mwa pahuka, shaanhyi kamu shii kutya onaini mwene weumbo teya, nge ongulohi nenge omokati kousiku nenge okeengulasha nenge oshonhyi kwa sha, opo nge te ya ombaavilila, ihe mu hanga mwa kofa. Nhyi andi mu lombwele osho andi lombwele aanhu ayehe kutya, kaleni mwa pahuka!”

Oiwana otayi ka fikama oku kondjifafana, nomauhamba otaa ka lwifa omauhamba makwao. Aku ka ningwa omakakamo yevu keembiga neembiga, nondjala ota yi ke ya. Mbi otayi ningi ongetameko lyoshifeta, okaana nge ta ka valwa.

Ndele tango onghundana oiwa oyi na oku uvifwa moiwana ayihe.

Oshonhyi aanhu oyendji otaye ke ya, taye iyifana nevina lyange taa ti, ‘Aame Kilistus,’ ndele otaa ka pukifa oyendji.

“Hano ikotokeleni, shaanhyi aanhu otaye ke mu yandja keemhangu, yo otaye ke mu vega neengola mEesinagoga vawo. Amu ka falwa koipala yomalenga noyeehamba, sho shi kale omhito oiwa kunye, mu ya lombwele Onghundana Oiwa.

Shaashi aku ke ya ookilistus aanaipupulu naahunganeki aanaipupulu, ndele taa longo omaviviliko noikumwifalonga, opo ya pukife aahoololwa yaKalunga, nge ashi vulika.

Ndele momasiku ngo, ouviyu mbo nge wa hula po, etango ali ka lauva, nomwevi ihau ka yela ali, neenyofi otavi ka wako keulu, neenghono vomewangadjo otavi ka kakamifwa.