Versets bíblics populars de Matewu 24

Comparteix

Ngentha yekuti bubi gowanda, ludo gwebanji gowhotelela. Koga iwhoyo unosimidzila kukadza kukaba kubupelo unowhotjidziwa.

Ndebo mbuya iyeyi yebumambo inowhosumikigwa hango yose, sebusupi kunjudzi dzose; bupelo gukotjihha.”

Mowhowha nekwengwa nebunyebenyebe nekwengwa; musilobgwe nehana ngobe zwinhu izwezwi zwakafanila yetikala, koga bupelo gowhoba gutjawhohha.

Tjaba tjowhomukila tjimwe tjaba, nebumambo gowhomukila gumwe bumambo, kowhoba nedzihhala netengenyeka kwehango mumitunhu yakasiyana. Kose ikoku konga tanga gwadza kwemimba.”

Kudzimu nehango kowhopinda, koga matama angu atowhopinda.”

Ngobe banjinji banowhohha muzina langu, beti, ‘Ndimi Khirisitu,’ banowholaha banhu banjinji.

“Banowhomulonga mukudziyidzika, bakamubulaya; tjaba tjose tjowhomuhema ngentha yezina langu. Banjinji bawhofupatila bugalimoyo gwabo, bakatengesana bakahemana. Kowhohha balebesambeli bemanyepwa banjinji bakatungamilila banjinji ntome.

Yesu wakabahandula eti, “Mutjenjele kuti kusibe nenhu unomulaha.

Ndizo ke namwi bo galani makazwilulamisa; ngobe Nkololo wenhu unowhohha mulubaka gwamusingakumbulile.”

Ndizo ke, tjenjelani, mulinde ngobe amutoziba kuti He wenyu unohha hhuba lipi.

“Koga akuna unoziba nekwehhuba ilelo nelubaka igogo kuhhe kwaTate boga, kene ibo batumwa bekudzimu, kene iye Nkololo.

Ngobe kowhohha boKhirisitu bemanyepwa nebalebesambeli bemanyepwa, banowhothama zwilakidzilo nematjenamiso makulu, beyetila laha banhu, hapa kutubuka, kene nebakahalugwa bo.

Sekwakwaka kuli iko mumahhuba aNowa, hha kweNkololo wenhu kowhojalo bo. Ngobe semumahhuba iyawo kusanhu kwaswika nkubila, baka bedla ben'wa, belobola belobogwa, kudza kuswika hhuba lakangina Nowa mukepe, abazotongoziba tjimwe kudza kuswika nkubila ukabatola bose. Ndizo ke hha kweNkololo wenhu kowhojalo bo.