Versets bíblics populars de Najə̄ kə́ Majə yā Jeju ń Matiye ndang ní 13

Comparteix

Ngé gə̄ ń tə́sōn̄ dɔ nang kə́ majə tə́ ní i ngé gə̄ ń oōn̄ najə̄, ba gerə̄n̄ kum, adə̄ kumdə́ to ní. Kum kə́rēý gə̄ i ɓú ō, kə́rēý gə̄ i kutə mehḛ́ ō, kə́rēý gə̄ i kutə mətá ō.

Kōō ń tə́sō dan kōn̄ gə̄ tə́ ní, i ngé gə̄ ń oōn̄ najə̄ ba gír̄ gə̄ kə́ dɔ nang tə́ ō, ɓō yá̰a̰ kənge ō, taān̄ dɔ najə̄ ní kɔ̄ɔ́ adə̄ teē yá̰a̰ alé ní.

Ngé gə̄ ń oōn̄ najə̄ kə́ dɔ Ɓē ko̰o̰ tə́ ba gerə̄n̄ kum aĺ ní, nin̄-ton̄ i tītə̄ bɔ̄gə̄ róbə́ ń kōō tə́sō tū tə́ ní. Ndíĺ kə́ nge ngól̄ loo gə̄ reē nār̄ yá̰á̰ ń dubə̄n̄ kemdə́ tə́ ní kɔ̄ɔ́.

Ngé kə́rēý gə̄ ton̄ i tītə̄ loo kə́ dɔ ngonjə̄ tə́ ń kōō tə́sō dɔ tə́ ní. Nin̄-oōn̄ najə̄ kə́ dɔ Ɓē ko̰o̰ tə́ anī ndigən̄ kə̄ ta jī tə́ beē kə rɔ̄nelēé ngá̰ý, ba əya̰n̄ najə̄ ní adə̄ əla ngəran kemdə́ tə́ alé. Ndigən̄ najə̄ ní ndin̄neé kum i ngá̰ý alé. Loo ń wur kɔl əsō dɔdə́ tə́, aláa rāān̄də́ ndoō tə́ tām̄ yā najə̄ tə́ anī, nin̄-lōn̄ gír taā kem najə̄ ní tə́ kɔ̄ɔ́.

*Ɓē ko̰o̰ kə́ dɔ rā̰ tə́ to i tītə̄ yá̰a̰ kənge kə́ gātə̄n i ngá̰ý kə́ ɓɔ̄ɔ̄ kem ndɔrɔ́ beē. Deē ń teē dɔ tə́ ní un ɓɔ̄ɔ̄ kə̄ kété. Rɔ̄n nelə̄n ngá̰ý adə̄ aw̄ igə yá̰a̰ yān malang ba reē mang ndɔr̄ ní.

Kumən kə́rēý gə̄ tə́sōn̄ i nang kə́ majə tə́, adə̄ ɔrə̄n̄ dɔdə́ ō, edə̄n̄ kum ngá̰ý ō. Dɔn kə́rēý gə̄ edən̄ kum ɓú kógə̄ḿ ō, ngé kə́rēý gə̄ kutə mehḛ́ ō, kə́rēý gə̄ kutə mətá ō. Gō tə́ anī Jeju əda na

Ní, kə əya̰n̄də́ kadə̄ tɔgən̄ naā tə́ mbak, ré na i ndɔ̄ kəja kōō tə́ pá tá. Ndɔ̄ n noō tə́ tā anī n-a n-əda ngé kəja kōō gə̄ kadə̄ tə́gān̄ bar̄ gə̄ kété, kə tṵ́ṵ̄n̄ yā róōdə́ horó, ba kōō gə̄ tá kə ɓōkə́n̄də́ kem mō̰ȳ yān tə́.