Versets bíblics populars de Ceepaw 2

Comparteix

Pitar na, “Nyangmi tomti pet hluːh nyak lawh haija jubaijei theila Jesuh Khrist ming ngyng baptisma lovei byih jyt. Ynbaw hnguce Muikhaw Cim tinyak khyang kuːtpuan nym lawh ey.

Yn ha ce ceepaw tih ha cawkhyau khyang dynnei theila lyngdyiuei khyang ha, phee pyi la hngihminnei nyak ym cai.

Yn hnguva yn ha tomti ce Muikhaw Cim myng kuːm awla Muikhaw na bei bawva acya be ja khyau vy ym phuːn.

Yn hnguva cacatnawva huankhu kuːh thai ce pyibuki thai dy cyppei theila yn ha ngoah nyak imm tomti a luih. Yn hnguva yn ha na kakei tih mei lei byang kawlu theila yn ha pahuat cuːm huanna y awmmei. Yn hnguva yn ha tomti ce Muikhaw Cim myng kuːm awla Muikhaw na bei bawva acya be ja khyau vy ym phuːn.

Hnguːp tyng biatimm ma huattyng ym kawmmei shoi. Yn ha ce ym imm ma phee pyi theila, jy nyak lung kyng ym ei hah. Jummeitih ha na Nuatpaw khuːhbia awla khyang tomti cenga luhngoai ym lawh. Yn pynnyng Mawhpaw na lilovei nyak lawhtih ha hnguːp tyng y kawng shyak.

“ ‘A pyih hnguːp pyng Nuatpaw na, khyang tomti huanna ky Muikhaw ky hlyn nyak khy. Nyangmi zawehngu la zawpaw ha na khy kei khyau ym saih jy; Nyangmi compyang khyang ha na khy hnguːnn khyang ym hnguh ey, nyangmi khyang lianzang ha na khy ym myaang nga myaang nyak ky.

Jummeitih ha tomti huattyng dynnei theila ym tyakkei khyang tomti ym phyaihjyattei hah. Ym tyakkei khyang la utzaw ha jy theila ym lawh khyang a muat ha ce luːeitih ha eyng ym bei.

Yn hnguva Mawhpaw ming biat tih khyang tomti ce lilovei nyak ym lawh ey.’

Mawhpaw phungan hnguːp phawlu hngyh ey hnguva khumik khy hung theila, khawtha khy thii bawva thawn ny.