Versets bíblics populars de Mateyo 24

Comparteix

Pantu ububifi bukafula, ukutemwa ku kafubalila ku bengi. Nomba uyo akashipikisha mpaka fye na ku mpela eukesa kupusuka.

Ne Mbila Yabune iyi ya Bufumu ikesa kubilwa ku ba pesonde bonse pa kuba bunte ku mishobo yonse, elo nomba impela ikesa.

Mukomfwa ifya bulwi ne mpupilisho sha bulwi, mwikasakamikwa pantu ifi fyonse fikesa kukitika, nomba ninshi impela tailati ifike.”

Umushobo ukesa kwimina umushobo unakwe, elo bufumu bukesa kwimina ubufumu bunakwe. Kukesa kubapo ne fipowe ne finkunkuma mu nkende isha ku pusana pusana. Ifi fyonse fikaba fye entampilo yabu kyushi bwa kupaapa umwana.

Iulu ne sonde fikapita, nomba ikyebo kyandi ta kyakapitepo.”

Pantu abengi bakesa bakolanda ati, ‘Ni nebo Klistu.’ Kabili bakalufya bengi.

Elo ba kamikata, uku mikyusha no ku mipaya. Imishobo yonse ikamipatila pali nebo. Abengi bakalufishamo ikiteketelo, ukule kuyalukila no kule kuipata abene na bene. Elo bakasesema babufi abengi nabo bakesa kulufya bengi.

Yesu alibasukile ati, “Mube abakwibukila, mwileka muntu nelo umo amilufye.

Ekyo nomba mulekuipekanya lonse apo Umwana wa Muntu akesa pa nshita ulo mutenekele.

Mulekwibukila pantu tamwishibile ubushiku ulo Shikulwinwe akesa.

Tapalipo nangu umo uwaishiba ubushiku nangula kashita ulo Mwana wa Muntu akesa. Nangula fye ba malaika mwiulu, nangu fye Mwana kano fye Tata eka ena alishibile.

Pantu ba Klistu babufi na bakasesema babufi bakafula no kulekita ifisungusho ne fipeshamano ifikulu pa kwebati ngakingakitwa bakabepe na basalwa bene.

Ukwisa kwa Mwana wa Muntu tungakupalakanya kufyo kyali pali Noa. Ulo takulaba ilyenshi, abantu bali kunwa, bali kuupa, no kuupwa, ukushinta napo Noa aninine mu kibwange. Tabailukilepo ikyali kukitika mpake lyenshi lyaisakubalofya bonse. Fyeke fyo kikesakuba pa kwisa kwa Mwana wa Muntu.