Versets bíblics populars de oMatiyu 5

Comparteix

Ase ya kwola ikwomu aheye ko ogwugwu lo. Aba hikweyi ko oka la shini onayu dananoho ipu ko ole. Mamani oni, oyoyu kala na gebe kasuse, shini ana moko neshi kala shini ana shiye ka Ada kala ni yiso ni.

<<Ala lema byo oyoyu kese la. Ogya ni yikweyi kikpokyi ni yateba lo.

Otunehe yo kpa awase ni gbotu neshi, aba mo Owuso.

Otunehe yo kpa awo ngmemye kpi igyini ko yoza neshi no Owuso ya yimu ni, aba yipu.

Nke ya ka dala, ala yimu ka awomonyekwotu kala, shini ala ki tinarigwu dawase ni ba dala owe ni

<<Otunehe yo kpa awase ni ba totu sun ni, obula kiso wakakawa la.

Otunehe yo kpa awo byo yagye mene webe kasuse, aba yuwogwu mayi ko Owuso.

Otunehe yo kpa awase ni ba byotu ni, oya shinyo shosha shuwotu.

Otunehe yo kpa awase ni adawo owe ikweyi koni ayoza ni Owuso ya yimu mana ya ni, obula kiso wa akakawa la.>>

Otunehe yo kpa awo miyinyinyi kase, oya miyinyinyi wa.

<<Otunehe yo kpala ni asala esa, adala owe aki ko bibi dala ikweyi koni ala totusun ni. Shotunehe kpeye, koni ogba abola nyakwu iso ni, byoni adawi inobane ni wa kwobonu dala ni owe, mamani akiba dala owe.>>

Otunehe yo kpa awino zikweyi iso lo, aba rogwu kese.

<<Ala lema byo onwa kese mani la. Owoni onye ko onwa nyeba, oya wonwa ke? Oyashoshi ko yojije kponu kpanu kelo, aba yoshonu akiya dikpo.

Ni olemani, ala yojoji kpiri gyogye byoni Ada kala ni yiso ni yoza kpiri gyogye ni.>>

Kamo, <Ee> kwe <Aayi> ozani gogo kpo omani kpiri bwebe kobibi pini wala.>>

<<Ala pwo akamo, <Ase ni yashe iyi ngma ana yakakanu yi ngma, ase ni yashe ahanu shu ana yakakanu shu mamani.> Ami ke yaka da ala, ozabibi ni ase yoni kasore lo. Owoni ashe labo akpaha kabore pya kaboshe danu naki labo anu.

Owoni iyiwo ka abore ya byo gipu kozalabi, yo ngma tonu. Oya shoshi ko gbiyi oye shoni aba yi ikpiye kpiri atola kpiyi epa ni. Owoni abore wo ya byo gozalabi, yogo tonu, ashoshi shini oyo kpa abo oye, shoni agola kpa abo epa kpi ikpiye wo kpiri ni.>>