Versets bíblics populars de oLuka 6

Comparteix

Dase oza, aba dala nwo owatu, si ikpokyi kweyi janu ya shonu ataku wo. Owatu neshi ni ala myiyo kpa anu da ase ni aba myiyo kpa anu ya da ala.>>

Ase neshi ela neshi ya bose bwi ipu ko otu nu la, ase bibi ela bibi ya bose bwi ipu ko otu nu. Oza ni yipu ko otu ni pini okwunu ya ka la.

Ke yimu ko omonyekwotu wo, yo oza neshi da awa, kpa awo oza, ka yo otuse mo ana sore lo. Ebeni abola wo ya wo nyakwu, oya wo oyi ka Ada Nyakwu ki iso, koni owine ko otu mene kpa awase ni ba shotunehe ikweyi ko oza ni aya da awa lo ni kpa awine ko otu bibi ni.

Miyinyinyi ka asuse, byoni Ada kala wine ki iyinyinyi ni.

<<Ala ka kwase epwo lo, shini ana ka kwala epwo lo. Ka ya ase ishi lo, shini ana ka yi ishi lo. Yo ozalabi gbase, shini ana yo ozalabi wo gbo.

<<Ami ke ya kadala ni ba pwun ni: yimu ka awomonyekwotu wo, kweyi yo neshi kpa awino yanya wo, sa awase ni ba sesa ni aboneshi, tinarigwu da awase ni ba yo obibi ni.

Oza ni oya yimu shini ase na ya dawo awo ya dawa mamani.

Owoni ashe labo akpaha oye, ki pyo omwepa da anu. Owoni ashe yo oshiye kpo, ka wobi ko obagidi wo lo. Ase ni do oka ko oza kpiri odanu, owoni ashe yo oza bize, ka do oka lo.

<<Efu neshi ya gwa labi lo, mamani efu labi ya gwa neshi lo.

Aba gye efu bwe ebe ko gwogwa nu la. Aba wa aza bwe efu ki igye lo, kwe ya gege ya wa aremu bwe efu ko ofigi lo.