Versets bíblics populars de Marcos 14

Comparteix

Nchab Xaꞌ: —¡Pay, Xud na! reta jwanꞌ toyal lia; nata'd la diꞌs rid na lo re yalti reꞌ, per nagaktay xa ncholas na, gaka xa ncholaꞌs la.

Brena goꞌ nde ptodiꞌsno goꞌ Dios, sa na'tokil'ta maxuꞌ goꞌ; xbin men liga ndosaꞌy, per belꞌ men na'xektay.

Lipa nin lo goꞌ, one ploja tej men diꞌs wen chanꞌ Dios, lo dib nax izyo, noga tej xa' jwanꞌ ta mbli ngol reꞌ, sa telaꞌs men ngol.

Nde nchab Xaꞌ: —Nabil toz nzo lazoꞌn, axta gaj na; ncheta byanꞌ goꞌ nde brena goꞌ.

Nde laj nzi ya re xaꞌ, mxen Jesús pan nde mbli leyꞌ Xaꞌy, nde mchix Xa'y, mdaꞌ Xaꞌy lo re xinꞌ teꞌd Xaꞌ, nchab Xaꞌ: —Bda goꞌy, jwanꞌ reꞌ nak belꞌ na.

Nde mxen Jesus jwanꞌ nzo nit ub, nde ngolo mdaꞌ Xaꞌ dyux lo Dios, mdaꞌ Xaꞌy lo re xinꞌ teꞌd Xaꞌ, nde ngu' reta xa'y. Nde nchab Jesús: —Jwanꞌ reꞌ nak ren na, jwan' mda' nakub Dios xkiꞌs Xaꞌ, ren reꞌ xyoy par bro toz men.

Zyasa nchab Jesús lo re xa': —Nayal' re' ta'b go' xgab go' lon, tak lo xkiꞌs Dios nchab: “Guj na Xaꞌ ndowa mbakxilꞌ nde ryaꞌs reta mbakxilꞌ.”

Goche goꞌ sa ndan', tak gax la nde xaꞌ jwanꞌ tayaꞌn.

Leꞌ Jesús nchab lo Pey: —Lipa nin loa le' lu, nayalꞌ reꞌ, senꞌ tera' kwez ngidteꞌ mbrop gob, lu mbyon la gob gab la, na'nzolot la na.