Versets bíblics populars de Kutendeka 49

Comparteix

Nfimbo teikafuma mu Yuda, ao kabango ka bukolo mu maulu akue, mpaka Shilo akeeze, wene waakanakilua na ntundu.

“Yusufu i musambo wa mazabo, musambo wa mazabo mumbali kasulo. Misambo yakue itambaleele mu kibumba. Wene waasakukiilue na bantu bali ni mivui, baamulasile mivui ni kumwemia.

Inzi buta bwakue bwaasyele bwalumine, maboko akue aalumiiziwe na maboko akua wa Maka onse, wakua Yakobo. Wa-aalwilue musungi wa mikooko, libue lyakua Izraeli, Na Leza wakua so waakakukwasia. Na Leza wa Maka onse waakakupaala. Na mapaalo a mwiulu mu muulu, mapaalo a mu biina bifikile pansi, mapaalo a konsia ni a kwimita.

“We Yuda, ba kobe baakakutasia. Kuboko kobe kwaakaba pa mukosi wa balwani bobe. Baana bena so baakakukontamina. Yuda, i nkalamu musoka kufuma mu kwipaya nama, we mwana wane wakibwela. Wene waakonteeme, waifiika nga nkalamu, nga nkalamu mukota, nani waakamubuusia?

“Rubeni, wewe uli libeli wane, maka ane ni ntendeko ya kuluma kwane, mukulu mu mukinzi, mukulu mu buvinde. Wewe uliwabiluluka nga menda. Teukaba wakindeeme, pantu waaselele pa bulita bwakua so ni kubutiikaania.