Versets bíblics populars de Jenadik 37

Comparteix

Bil néy layèg, Yusop napòk. Dak bil rik nak naꞌoglèkh nèꞌpòk eh nak ma mèn kelok eh, umnak umtabeh umcheꞌẽs geb ma rik nak.

Dak Yakob lebéh nasayèkh ma Yusop nòm kuwòt eh rik gèhnih, sebab léh eh Rahèl nayos ma Yusop nak bil Yakob hòj tatak. Jadik Yakob naꞌor ma sènꞌòy namteꞌèl bajuk jèꞌrok rik méj-méj untok Yusop.

Bil mèn kelok Yusop umnéh apak um lebéh nasayèkh ma Yusop nòm rik umnak, dak umnak umcheꞌẽs ma Yusop sampéy umjèk tok umbecharak méj wèl ma rik nak.

Tok lamad nòm kerek nak, Yusop napòk wèl. Dak rik nak naꞌoglèkh wèl ma mèn kelok eh, “Keyòkh lah, yék hòj ipòk wèl. Yék inéh mad is, gechèk, ròb sebelas pèrlòy umtèd-tud ma yék.”

Mèn kelok bèhbeh Yusop umtehak ma rik nak. Tapik apak eh tik nabebèdlod wèl ma maksod nèꞌpòk Yusop nak.

Yusop nachal ma umnak, “Keyòkh lah, imchal ilok rik itapòk naꞌtèk: Èn nèꞌpòk inak, èk kenèmbek mok èn selay, bok èchèdkòd gandom. Dak gandom rik yék ichekòd nak tok-tok nated jègrig. Dak mèn chènkòd nyob kenèmbek umherimung ma chènkòd yéh dak umtud èn sòy chènkòd inak.”

Jok lah èmkèrbes ma rik nak. Néh lah, èn anuh tik mok mèn jehòl rik sènꞌòy umchelòkh untok mudol òng. Puꞌdoh hòj tok barꞌòng, èk boléh èsuwèd mayad eh ma kelòj jehòl nak, dak akal èchal ma apak mok ab rik nakab ma rik nak. Dak èmnéh ilok akal nabelakuk ma nèꞌpòk eh nak!”

Jadik bil sènꞌòy rik umjèlwal nak umhawul nòm nak, mèn kelok eh umtayod Yusop nòm kelòj jehòl naꞌtèk dak umjuwal ma sènꞌòy nak, nòm hèrgak dua puloh kupang duid pèrak. Dak rik umjèlwal nak umꞌéd Yusop ma Mesir.

Umnak umcha-chal kaban rik um, “Néh lah, rik pèk-pòk nak hòj nalãj!

Tapik èn tèk-tik Yusop tok nabèhleh, mèn kelok eh hòj umnéh ma rik nak nòm jerok, dak umꞌampèk mukèrbes ma rik nak.

Tok payah lah èmcheleg ma rik nak. Suwèd lah hék ma kelòj jehòl rik karéh doh, tapik agok lah pèrjèd ma rik nak.” Rubèn nachal gerèk nak sebab rik nak nachèn namtèrgos ma Yusop bok namtèrmak ma apak eh.