Versets bíblics populars de Jenadik 27

Comparteix

Yék iꞌas ma Allah namꞌog ma hãk tèngmèng nòm langid bok namꞌuy ma kenèmbek selay hãh méj-méj, bok nambekèꞌbek ibuk hasil eh, menéh ròb anggor rik beduyon-duyon. Jajéh kaum gèhnih akal umjadik kuli ma waris hãh, bok jajéh suku kaum akal umtud ma nyob. Hãk lah irik bejadik tuwak bok waris hãh akal umbekuwase ma kenèmbek sakèy nyob, umnak kenèmbek akal umtud ma nyob. Chok rik bepantakh ma nyob, Allah akal napantakh ma umnak. Bok chok rik sènymany ma Allah namteꞌèl méj ma nyob, Allah pon nateꞌèl méj ma umnak.”

Dak anak Èsaw nachal, “Hòj nar kalik rik nak nasèꞌlok ma yék! Nèng-nèng tòp rik nak hòj nakod hak yéh gerèk kuwòt mulak long. Dak puꞌdoh rik nak hòj nakod wèl hak yéh untok imjadik tuwak bok imdapad perènhod Allah! Mémang tehad lah kenëh eh Yakob — had kuwad nabesèꞌlok!” Dak Èsaw naseꞌëd wèl ma apak eh, “Apak, tok mèk-mok ke ilok-ilok wèl rik hãk boléh hamsemany ma Allah untok yék?”

Sèj-sòj eh nak, apak eh Isak nachal ma Èsaw: “Hãk akal hagel jerok nòm tèk rik méj-méj, tok mèk-mok tèngmèng nòm langid untok hãk. Hãk ròb waris hãh akal nyob belawan nòm juwòj bok nyob seyèj mènhik nòm sènꞌòy mòy untok nyomgos. Dak waris hãh akal umjadik kuli ma waris pek hãh, tapik ma sòy bilok waris hãh nak akal umlos umlawan wèl, dak akal umbébas wèl nòm kuwase umnak.”

Èsaw tik naseꞌëd wèl, “Apak, nahey had mok néy hék hãk hasemany ma Allah namteꞌèl méj? Tulong lah, apak! Semany lah ma Allah namteꞌèl méj ma yék keꞌjèk!” Dak Èsaw hòj tok boléh naꞌed wèl dak nayam naꞌarew.