Versets bíblics populars de Jenadik 18

Comparteix

Mok ke ilok-ilok rik Yék tok dapad imteꞌèl? Bok gerèk hòj ichal naꞌtèk, tik néy tawon ma sòy doh jakal Yék akal ilos wèl ma doh, bok bil mase nak Sarah hòj mok néy kuwòt babeh eh!”

Sebab nak Sarah nalèg-lug èn hup eh dak nabèdlod, “Yék doh hòj jajak bok tok baryog yéh gerèk doh, ma lok mok yék imgahmak enadés gerèk nak? Bok tòw yéh pon hòj tatak geb!”

Dak anak TUHAN nabebèdlod èn hup Eh, “Nòm Abraham nak akal iteꞌèl kaum rik rayak bok bekuwase, bok nòm rik nak lah Yék akal iteꞌèl méj ma kenèmbek kaum èn bumi. Yék hòj ipili ma rik nak supaye rik nak namtènglèkh ma kuwòt ròb waris eh untok muhoh ma nòng nènchèn Yék. Umnak haros umteꞌèl ilok rik kènmën bok beꞌadil, bok Yék akal iteꞌèl kenèmbek ilok rik hòj ipèrhod ma Abraham. Jadik tok méj lah Yék imkèrdëk nòm Abraham ilok rik imteꞌèl nak.”

Abraham nawèk tilok ma TUHAN bok natanyak, “Kemën ke Hãk hachèn hamtèrhõy ma sènꞌòy rik kènmën keꞌjèk, samak ma sènꞌòy rik jèdhad? Dak rèk lok kalòw mok 50 sènꞌòy rik méj èn kote nak? Bok tik hachèn ke hamtèrhõy ma kenèmbek kote nak, bok tok hapèꞌrak sebab mok 50 sènꞌòy rik méj nak?

TUHAN nasaꞌod, “Kalòw lah Yék itèrbuk 50 sènꞌòy rik kènmën èn kote Sòdom, Yék akal tok iterèyhõy ma kenèmbek kote nak sebab umnak.”