Versets bíblics populars de Matia 19

Comparteix

Bɔŋ Jiso lɛ́nə bɔŋ ghɔ̀ŋ mbɔ, “Yɔ̄ŋ-yə nɔ chàa ghʉəʼ-woməsʉʉ-kə, bɔŋ nubə inchəŋ yùhə tʉ Nyii.”

Nɔ, bɔ̂ŋ leʼbie bʉə bəbûu fɛ, bɔ̂ŋ nɔ bɛ mbʉə imɔʼ. Nɔ, fɔkə ndə Nyii nɔʼ tùo, kə wo məmùutə mbɔ ɔ wɔ̀ʼhə fɛ.”

Ɔ bə̀ŋhə mbɔ, “Bii chʉʼ nə tíi mu ŋwɔʼnə-Nyii mbɔ wo ndə ɔ nə bɔ́ŋ bɔŋ lʉ̀ hə ndəŋ ŋgwunə-mbi nə chìi bɔŋ, bɔ̂ŋ bɛ woləŋ ghɔŋ woke fe? Nyii bɔŋleʼ ghɔ̀ŋ mbɔ, ‘Nɔ, bʉʼka luu-ɔ̄, woləŋ nɔ kie ndə məmɛ̀ʼtə tie-e ghɔŋ ŋkwê-i, gɛ̀ tùonə ghɔŋ vi-i, bɔ̂ŋ bəbûu bu bɛ mbyu mbʉə imɔʼ.’

bɔŋ Jiso ghɔ̀ŋ mbɔ, “B̈ii mɛ̀ʼtə v̈âambuɔ gwè tʉ mɔ, kə bii mə chíe bɔŋ fɛ, bʉʼka nɔ bɛ ntɛ bʉə nɔ ndə Sɔ́ʼ Fɔŋ Yuo bɛ tʉ bɔŋ.”

Bɔŋ bʉə buŋmbi ndə bɔ̂ŋ bɛ fəŋtə bu yi bɛ ndyiʼtəbə, ndyiʼtəbə bɛ fəŋtə.”

Wotəmiyɔŋ ndə ɔ nɔʼ mɛ̀ʼtə fɔbə nə njaahə-i byuunɔ bəliŋ-bi bələŋ leʼnə bəke byuunɔ tie-e byuunɔ ŋkwê-i byuunɔ vâa-bi byuunɔ tɔ̂bə-i, bʉʼka mɔ, bu bʉ̀nə kie tə chàa vɛʼ ghyʉʉ bɔŋleʼ kie məchímbi təmə liʼ-i ghɔ fɛ.

Jiso ghɔ̀ŋ tʉ ɔŋ mbɔ, “Kaʼ a kə́ kʉ́ʉ mbɔ a kɛŋ bɛ ŋkɛŋ wo, gɛ̀ fɛ̀ŋ fɔbə inchəŋ ndə a kie, kɔ́ tʉ bʉə-mbʉʼ. Kaʼ a chìi nɔ, a kie lə̂ŋ-aŋ yuo, ndʉʉmɛ, gwè, kə́ gwè hə bɔ̌ŋ mɔ.”

Ɔ ghɔ̀ŋ tʉ ɔŋ mbɔ, “Chìi ka a kə́ bíʼtə nukə bə tʉ mɔ ndə i bɛ jyujyu? Nɔ haʼ mbyu wo imɔʼ ndə ɔ bɛ jyujyu. Kaʼ a kə́ kʉ́ʉ kie məchímbi təmə liʼ-i ghɔ fɛ, a tʉ́ʼ bə ŋkahə Nyii.”

Nɔʼ m̈ɔ bìʼ shyíi bii mbɔ i nɔ yùhə tʉ nyaa-bəkatə ndə məsʉ́ʉ ndəŋ gyii-sɔʼ-kə tə chàa ndə i bɛ tʉ wo-kəfʉʼ ndə məŋíi mu Sɔ́ʼ-Nyii.

M̈ɔ bɔŋ gìe tʉ bii mbɔ wotəmiyɔŋ ndə ɔ wɔ̀ʼtə lɔŋ ghɔŋ vi-i yaʼkɛŋ bʉʼka bəsəŋ, lʉ̀ yi-kədɔŋ-yə, nɔʼ gháa bəsəŋ.”

Jiso ghɔ̀ŋ tʉ vâafɔʼɔ-bi mbɔ, “Nɔʼ m̈ɔ shyíi bii nə shʉəŋ mbɔ i bu yi shʉ́ə daa tʉ wo-kəfʉʼ ndə məmɛ̀ʼtə ŋwɔŋ-ɛŋ Fɔŋ Yuo sɔ́ʼ ɔ.”