Versets bíblics populars de Liuk 5

Comparteix

Kini Anyi ama akepiek in̄wi mpȯ ekre, Anyi ȯdȯhȯ Saimȯn, «Ggbe ubo luk utun̄ȯ-mmȯn̄ luȯn̄ȯ iyre man ȯmȯ eyak.»

Saimȯn ȯbrȯ Anyi, «Ȯgwȯn̄-Etie, inyin ikinne otuitu uto afid ȯkȯ-eje idime ukeme idimȯ eyak, ani inyin imȯ nze sisin̄-o, siakeni avi ȯdȯhȯ, inyin midio iyre. Kini Saimȯn ma iyubo iseghe enne sighi Jizȯs ȯdȯhȯ imi, imi emȯ ata awikiwak eyak. Eyak akawak tutu iyre imi ȯtȯn̄ȯ idiwaha.

Ani Jizȯs asan̄a awak ididia iyak otu-in̄wi ikibȯn̄ akam ki ofio.

Ukem sen, ami an̄kendi idikuo ineninen in̄wi-o, ani n̄kindi idikuo imami efiak ki imi ini ndiȯk in̄wi ekabadezid esa ndiȯk mpȯ eyak.»

Kini Saimȯn Pita akid si Jizȯs enne, anyi ȯtȯn̄elȯn̄ kenye anin̄ Jizȯs ȯdȯhȯ, «Lahayak mi Ȯgwȯn̄-Etie, siaki ami n̄ni udiȯk-in̄wi.»

Ani Jizȯs ȯbrȯ ima Farisi ki ebetȯ ȯgȯ, «Enni imami ille otu esan̄a eluȯn̄ȯ ebehe-o, ani ima ȯlȯn̄ȯ-ulȯn̄ȯ esan̄a eluȯn̄ȯ ebehe.

Kini imi egbe ubo edisim isȯn̄ esuk, imi elian̄a eyak afidefid-mpȯ ekȯn̄ Jizȯs.

Uso sin̄ sighi Jizȯs abak kudun̄ sin̄ ki ipehe Galilii, anwi sin̄ ami akatak apamvia ȯyȯk ille adiebine Anyi. Anyi adi tȯn̄elȯn̄ ȯsu anye kisȯn̄ ape Anyi ubȯk, «Ȯgwȯn̄-Etie, aneki Avi anyime, Avi akime idikȯk mi ulȯn̄ȯ.» Jizȯs anya ubȯk ȯtu anyi ȯgȯ, «Ami nyime, bȯhȯ ukȯk» Pa ki ukem ini ani, ulȯn̄ȯ apamvia ekre anyi.

Pama ken, etie ki Jizȯs akime idikȯk in̄wi ulȯn̄ȯ atamatam asuana kudun̄. Ki ntak ani, otu-in̄wi edi idigie upiekmpȯ Iseghe, ilaha ibȯho ȯkikikȯk isie Anyi.