Versets bíblics populars de Luqka 6

Comparteix

Khlaung haqla paeksot boei tuk. Nanghniq loeq na'paeksot nak loeq nanghniq khaw a'paeksot na'laqi yai taeng a'hau haq. Nanghniq khi duka amthoen paek haqlai. Nang loeq a'coe khlaung haqla na'paeksot khut Boipaw loeqkhaw nanga ampaeksot ba lai taeng a'hau haq.

A'pawi khoeq khlaung loeq yaq mlung duka khoeq a'pawi khoeqhaq noeng amsoq theiq. Pawi yaq khoeq khlaung loeqkhaw yaq mlung duka khoeq pawiqyaq khoeq noeng amsoq theiq. Nanghniq plau woeng nanghniq mlungko khoeq a'pau hni.

Nanghniq loq khlaungsei haqla khaeki tuk loeqteq yaqhniqa a'pawi khoeqhaq sai boei tuk. Uwak ka'nlaqi ba lai taeng mkhini tuk loeqteq mpuwai tuk. Boipaw loeq pawi yaq khoeq khlaung loeq kyezu hmotaq khoeq khlaung haqla khaw a'khaeki haq klongoeng nanghniq loeq yaqkha na'nsai nak loeq nanghniq na'nlaqi ba lai khoeq suqteq nana laen loeqteq a'pawicai khoeq Boipawcaw haq na'nphlaetai.

Nanghniq Boipaw khoeq a'khaeki a'laen klongoeng nanghniq loeqkhaw klaunga khaeki boei tuk.

A'coe khlaung haqla khaw caetcawq haqlai tiq, yaqnakanoeng Boipaw loeqkhaw nanghniqa amcaetcawq haqhlaq. Khlaung haqla khauk ong saiyai tuk, yaqnaka noeng Boipaw loeqkhaw nanghniqa khauk ong amsai haqhlaq. A'coe khlaung haqla khwai nhloeq boei tuk, yaqnakanoeng Boipaw loeqkhaw nanghniqa khwai amhloeq haqlai.

Yaqnaka nanghniq poemak sanga kamhau haqlai. Nanghniqa amsei nauk khoeq haqla khaeki boei tuk. A'muinsaw haqla a'pawi sai paek boei tuk. Nanghniqa amsamisaw haqla Boipaw loeq pa'si a'paek haqlai khoeq suq tongi paek boei tuk. Nanhniqa amyukai nauk khoeq haqla khaw suq tongi paek boei tuk.

Nanga khlaung loeq ampawi nauk waiq khakhut nang loeqkhaw khlaunga pawi nauk boei.

Hmat poemak loeq nang na'baeng phakaka amsouq nak loeq a'la phakak khaw hlengi paek boei. Hmat loeq nang angki amhiqi nankloeq lawpak paek boei. Nang hma khoeq uwaq a'mhiqi khoeq khlaung haqla paek haq boei. Hmat loeq nang wawnthaung a'louki nak loeq yaqhma khoeq hiqi ba lai tiq.

Thing pawi ya pawi yaq khoeq thaiq thaiqaq khakhut pawi yaq khoeq thinga khaw a'pawi khoeq thaiq theiq yaq.

A'thaiq so pu loeq thing klong ma'hau noeng. Hling puma khoeq paipethai msiq tuk loeq laqaq tuk khakhut hling puma khoeqkhaw ca'byeiq thaiq msiq tuk loeq laqaq tuk.