Versets bíblics populars de လုကာကျမ်း 6

Comparteix

သူတစ်ပါးတို့အားပေးကြလော့။ သို့မှသာ အလ္လာဟ်အရှင်မြတ်သည် သင်တို့အားပေးတော်မူလိမ့်မည်။ ကောင်းစွာချိန်တွယ်၍ လှုပ်လျက်၊ သိပ်နှက်လျက်၊ လျှံကျအောင် သင်တို့၏လက်ထဲသို့ပေးတော်မူလိမ့်မည်။ သင်တို့သည်သူတစ်ပါအား ချိန်တွယ်ပေးသည့်ပမာဏအတိုင်း အလ္လာဟ်အရှင်မြတ်သည် သင်တို့အားပေးတော်မူလိမ့်မည်” ဟု မိန့်တော်မူ၏။

ကောင်းသောသူသည် ကောင်းသောအရာများကို ကောင်းသောစိတ်နှလုံးဘဏ္ဍာတိုက်အတွင်းမှ ထုတ်ဖော်တတ်၏။ မကောင်းသောသူသည်လည်း မကောင်းသောအရာများကို မကောင်းသောစိတ်နှလုံးဘဏ္ဍာတိုက်အတွင်းမှ ထုတ်ဖော်တတ်၏။ အဘယ်ကြောင့်ဆိုသော် စိတ်နှလုံးထဲတွင် ပြည့်နေသည့်အရာများကို နှုတ်မှပြောဆိုတတ်သောကြောင့်ဖြစ်၏” ဟုမိန့်တော်မူ၏။

သင်တို့မူကား ရန်သူတို့ကိုချစ်ကြလော့။ ကျေးဇူးပြုကြလော့။ တစ်စုံတစ်ရာကိုပြန်လည် ရရှိရန်မမျှော်လင်းဘဲချေးငှားကြလော့။ ယင်းသို့ပြုပါမူသင်တို့သည် ကြီးမြတ်သော ဆုလာဘ်ကိုရလျက် အမြင့်မြတ်ဆုံးသော အလ္လာဟ်အရှင်မြတ်၏ ‘ဗန္ဒဟ်’ သားများ ဖြစ်ကြလိမ့်မည်။ ထိုအရှင်မြတ်သည် ကျေးဇူးမသိတတ်သူများ၊ ဆိုးညစ်သူများအားကျေးဇူးပြုတော်မူ၏။

သင်တို့၏ အဖသည် သနားကြင်နာတော်မူသည်နည်းတူ သင်တို့သည်လည်း သနားကြင်နာကြလော့” ဟုမိန့်တော်မူ၏။

“သူတစ်ပါးတို့အား အပြစ်တင်မစီရင်ကြနှင့်။ သို့မှသာအလ္လာဟ်အရှင်မြတ်သည် သင်တို့အား အပြစ်တင်မစီရင်ဘဲ နေတော်မူလိမ့်မည်။ သူတစ်ပါးတို့အား မစီရင်မဆုံးဖြတ်ကြနှင့်။ သို့မှသာ အလ္လာဟ်အရှင်မြတ်သည် သင်တို့အား မစီရင်ဘဲ နေတော်မူလိမ့်မည်။ သူတစ်ပါးတို့အား အပြစ်များကိုခွင့်လွှတ်ကြလော့။ သို့မှသာအလ္လာဟ်အရှင်မြတ်သည် သင်တို့ ‘ဂူနာဟ်’ အပြစ်များကို ခွင့်လွှတ်တော်မူလိမ်မည်။

သို့ရာတွင် ငါ၏တရားကိုကြားနာကြသူတို့၊ “သင်တို့အားငါဆိုသည်မှာ ရန်သူတို့ကိုချစ်ကြလော့။ သင်တို့ကိုမုန်းသောသူတို့အား ကောင်းမွန်စွာဆက်ဆံကြလော့။ သင်တို့ကို ‘လအ်နသ်’ ပို့ကျိန်ဆဲသောသူတို့အား မေတ္တာပို့ကြလော့။ သင်တို့ကိုစော်ကားသောသူတို့အတွက် ‘ဒိုအာ’ ဆုတောင်းပေးကြလော့။

သင်တို့အပေါ် ပြုစေလိုသည့်အတိုင်း တစ်ပါးသူတို့အပေါ် ပြုကြလော့။

အကယ်၍ တစ်စုံတစ်ယောက်က သင်၏ပါးတစ်ဖက်ကိုရိုက်သောသူအား အခြားပါးတစ်ဖက်ကိုလည်း ရိုက်စေဦးလော့။ သင်၏ဝတ်ရုံကိုယူသောသူအား အင်္ကျီကိုယူခွင့်ပြုလော့။ သင့်ထံတွင်တောင်းခံလာသူတိုင်အားပေးလော့။ သင့်ဥစ္စပစ္စည်းများကိုယူသွားသောသူထံမှ ပြန်၍မတောင်းနှင့်။

“သစ်ပင်ကောင်းသည် အသီးညံ့ကိုမသီးနိုင်။ ညံ့သောသစ်ပင်သည်လည်း အသီးကောင်းကိုမသီးနိုင်။

အသီးကိုထောက်၍ သစ်ပင်အကြောင်းကိုသိရ၏။ သဖန်းသီးကိုဆူးပင်မှလည်းကောင်း၊ စပျစ်သီးကိုဆူးချုံမှလည်းကောင်း လူတို့မဆွတ်မခူးနိုင်ကြ။