Versets bíblics populars de 2 An Tasalonika 2

An lag la noc palk no da cakk. Rema̱n hweda̱n lo a da̱n can a za na baak a ela̱vso A'Sil da. Na ruta̱ ta̱m kan ha̱lca̱n giira Na'Sila̱. Kan Sila baasin a gigk az tu wa̱a̱ d'kala.

Hyaaren an Kan Go̱mca̱n Kooye̱ rein tu to̱no̱. I ge̱be̱ske̱ kooye̱ daava c bo̱m A'Sil rem no. Rema̱n lanma̱ d'takbo, Sila dagk no a̱n e̱te̱ na kumma̱ d'gwa̱a̱ma̱. Rema̱n yomka Hora̱md Na'Sil da̱n rein da̱n ho̱l na rihica̱ d'rebo, ai retin na batk d'ba̱t baa m'ga̱u.

Tu ela̱vso A'Sila̱. U guba̱sa̱ ta̱m hid ru. U ze az u hatk rina̱n nan po̱g A'Sila̱ alla rina̱n nan ema c'hwiipsa̱ kwe̱, a̱n k'gwin. Tu uv a̱nmin buuk Na'Sil u soota, u ze az i unwa a̱n rein A'Sila̱.

C konk Kan buu cinna Ye̱so Ka̱risti, a A'Sil Ceta cinna na, an to̱nin na, a ne̱e̱ na we̱sa̱m c'de̱b d'kal-d'kala. A de̱l ta̱m na a̱n saka̱m nu'con a̱n rihic kasi rema̱n pusu na̱. A setasa de̱bc no, a swidi ta̱m no m'we̱s a̱n vatt rihic kasi, a̱n em ta̱m ca̱.

Rema̱n taanlo, Sila ta cuuls na̱ hwe̱di bat ta kab c'ko̱lo̱.

Nokam kan ela̱vsoc Na'Sil ti kwesa walgc A̱krimu. Tu kwesa kooye̱ goon mala̱mca, a c'saa na, a rihica̱n sipa̱m na'nwa̱a̱n ca̱ c'ko̱lo̱. A ta̱m kooye̱ goon rihic naak ca ca̱n-ca̱n palk an reina̱n hora̱mca̱d na'wa̱a̱. Ta wa̱a̱ rema̱n a ha̱lk kabma̱n ga̱uma̱n ta̱m gwa̱a̱ be̱ na̱.

Rema̱n we̱sma̱n de̱la̱m c'ela̱vso ma̱n lain a'ze̱se̱, a̱m baask a̱m takka a'yomko. Kan reina̱n holma̱n yomka we̱sma̱ ne a̱nta̱ma̱, tu ryaa hwic a̱n hola̱m ma̱, i caa daava̱n nan o̱mt o.