Versets bíblics populars de نامه، اَفِسُسیانِ کلیسائه وِسه 6

Comparteix

چوون اَمه جَنگ، جِسم و خونِ هِمراه یعنی آدِمِ هِمراه نییه، بلکه اِما رئیسونِ علیه، قِدرت هائه علیه، و اون تاریکیِ نیروهائه علیه که این دِنیائه سَر حاکِمِنه، و شَریرِ روحانی لشگرهائه علیه،که آسِمونی جاهائه دِله دَرِنه، جَنگِمبی.

و هَمش، هر جور دِعا و خواهشِ هِمراه، خِدائه روحِ دِله دِعا هاکانین و هَمینِ وِسه بیدار و هوشیار بوئین و هَمش پایداریِ هِمراه تِمومِ مِقَدَّسینِ وِسه دِعا هاکانین.

خِدائه اَسلحه ره کامل دَپوشین تا بَتونین اِبلیسِ حُقّه هائه جلو هِرسین.

پَس خِدائه اَسلحه ره کامل دَپوشین، تا شرِّ روزِ دِله بَتونین قایم هِرسین، و بَتونین بعد از اینکه همه چی اِنجام بَییه، پایدار هِرسین.

هر وضعِ دِله، ایمونِ سِپَرِ بَیرین، تا بَتونین اونِ هِمراه، اون شَریرِ، تِمومِ تَش دارِ تیرها ره دَکوشین. نِجاتِ کِلاهخودِ شه سَر بییِلین و روحِ شمشیر که هَمون خِدائه کِلامِ ره، ‌شه دَس بَیرین.

پَس قایم هِرسین، هَمون طی که حَییقَتِ کَمِروَندِ دَوِسِنی و شه صالحیِ زره ره شه تَن دَکاردینی اِنجیلِ صِلح و سِلامتی ره یِتا کوشِ واری دَپوشین، اون طی که اِنگاری اونِ اِعلامِ وِسه آمادِنی.

سرآخِر، خِداوندِ دِله، و اون قِوَّتِ دِله، که وه قِدرَتِ جِم اِنه، قَوی بَووین.

«شه پییِرمارِ اِحترام بییِل»، که این اَوِّلین حکمِ که وعدهِ هِمراهِ: «تا خِشوَخت بَووی و زِمینِ سَر درازِ عمر داری»

ای وَچون، خِداوندِ دِله شه پییِرمارِ جِم اِطاعت هاکانین، چوون دِرِسِ کار اینِ.