Versets bíblics populars de یوحنایی مکاشفه 20

Comparteix

و هر کَس گه وی اِسم، حیاتی دفتَری دِلِه بَنوِشت نَوِه وِه، تَشی دریاچه ای دِلِه دیم بَدا بَوِه.

و مِردِگونِ بَئیمِه، گَت تا کِچیک، هون تَختی پِش اِسّاوِنِه و دفتریشون وا بَوِنِه. اَزما یَت دییَر دفتر وا بَوِه گه حیاتی دفتَر وِه و مِردِگون هون چیایی هَمرا گه هون دفتریشونی دِلِه بَنوِشت بَوِه وِه، و طبقِ اونچی گه هاکِرد وِنِه داوری بَوِنِه.

و دریا مِردگونی گه شی دِلِه داشتِه رِه پَس هادا؛ مرگ و مِردِگونی دِنیا هون مِردِئیشونِ گه شی دِلِه داشتِنِه رِه پَس هادانِه، و هر کدیم طبقِ کارایی گه اَنجام هادا وِنِه، داوری بَوِنِه. اَزما، مَرگ و مِردِگونی دِنیا تَشی دریاچه ای دِلِه دیم بَدا بَوِنِه. هَین تَشی دریاچِه، دِوّمین مَرگِ.

اَزما یَتِه گَتِ اِسبی تَخت بَئیمِه، و یَنَفَر گه وی سَر نیشت وِه. آسِمون و زمین وی حِضوری جا فِرار هاکِردِنِه و هیچ جایی وِشونی سِه بَنگیت نَوِه.

وختی گه هون هزار سال تُوم بَوو، شِیطان شی زیندونی جا آزاد وونِه و دیرگا اِنِه، تا مِلّتیشونِه زَمینی چارگوشه ای سَر گول بَزِنِه - یَعنی جوج و ماجوج گه وِشونی تعداد هِتی دریالُویی ریگی تَرائه، تا اونانِه جَنگی سِه جم هاکِنِه.