بعد از صِبونِه، عیسی شَمعونِ پِطرُسی جا بَپُرسیِه: «اِی شَمعون، یوحَنایی ریکا، مِنِه هَینِنی جا ویشتَر دوس دارنی؟» وی جِواب هادا: «اَرِه آقا؛ تو گُو دِنّی تِرِه دوس دارمِه.» عیسی وِرِه بُتِه: «می وَرکائیشونِه خِراک هادِه.» دِوِّمین کَش عیسی ویجا بَپُرسیِه: «اِی شَمعون، یوحَنایی ریکا، مِنِه دوس دارنی؟» شَمعونِ پِطرُس جِواب هادا: «اَرِه آقا؛ تو گُو دِنّی تِرِه دوس دارمِه.» عیسی بُتِه: «می گِسَنیشونِه چَپونی هاکِن.» سِوِّمین کَش عیسی وِرِه بُتِه: «اِی شَمعون، یوحَنایی ریکا، مِنِه دوس دارنی؟» پِطرُس هَینی جا گه عیسی سِه کَش ویجا بَپُرسیِه مِنِه دوس دارنی؟» نارحَت بَوِه و بُتِه: «آقا، تو هَمه چیرِه دِنّی؛ تو گُو دِنّی تِرِه دوس دارمِه.» عیسی بُتِه: «می گِسَنیشونِه خِراک هادِه.
