Versets bíblics populars de یعقوب 2

Comparteix

پَس ایمون هَم به تنیایی، اگه اعمالی هَمرا نَووئِه، بَمِردِه.

هَمونجور گه تَن روحی جا سیوا بَمِردِه، ایمون هَم اعمالی جا سیوا بَمِردِه.

می بِرارِن، چی فایده ای دارنِه اگه یَنَفَر اِدّعا هاکِنِه ایمون دارنِه، ولی اعمال نارِه؟ هَینجور ایمونی بَتِنِّه وِرِه نِجات هادِه؟

تو باوَر دارنی گه خِدا یَتّائِه. خِب کِنّی! حتّی دِویشون هَم هَینجور باور دارِنِه و تَرسی جا لَرزِنِنِه!

ولی یَنَفر ممکِنِه بُئِه: «تو ایمون دارنی و مِنَم اعمال دارمِه!» تو شی ایمونِ اعمالی جا سیوا مِنِه هَم هادِه و مِنَم شی ایمونِ شی اَعمالی هَمرا تِرِه هَم دِمِه.

چون داوَری نِسبت به اونیگه رَحم نَکِرد وو بی‌رَحم وونِه. رَحم داوَری رِه پیروز وونِه!

وینِّنی اَعمالی هَمرائِه گه آدَمی صالِح بِشمارِس وونِه، نا فقط ایمونی هَمرا.

وینّی گه وی ایمون و اَعمال با هَم عَمَل کِردِنِه، و وی ایمون وی اَعمالی هَمرا کامل بَوِه.