Versets bíblics populars de نامِه مَسیحینی عبرانی نِژادی سِه 13

Comparteix

شی زندگی رِه پولدوسی ای جا دور دارین، و اونچی گه دارِنی رِه قانع ووئین، چون خِدا بُتِه: «هیچ وَخت تِرِه وِل نَکِمِّه، و تِرِه تنیا نِلمِه.»

عیسی مَسیح دیروز و اَمرِز و تا اَبَد هَمونِه.

پَس اَما بِتِمّی اطمینانی هَمرا بُئیم: «خِداوَند می یاورِ، نَتِرسِمِه. آدَمی بَتِنِّه می هَمرا چی هاکِنِه؟»

خِبی هاکِردَنی جا و بَقیِه رِه شَریک هاکِردَن اونچی ای دِلِه گه دارِنی ای جا کِتاهی نَکِنین، چون خِدا هَینجور قِروونیایی جا راضیه.

پَس بیئِین عیسایی طریق همینجور یَکسرِه شِکر هاکردنی قِروونی رِه خِدایی سِه پیشکَش هاکِنیم. هَین قِروونی، هون تِکی ثمرِئه گه وی اِسمِ اعتراف کِنِنِه.

بِلین اِزدواج هَمه ای میِن حِرمت دارِه و زَنا مَردی ای رابطه پاک ووئه، چون خِدا بی عفتن و زِناکارِنِ داوری کِنِّه.

از هَینگه نسب به غریبه ها مِهمون نِواز ووئین غافل نَووئین، چون هَین کاری هَمرا، بعضیا بی هَینگِه دِنِّن فِرِشتگونی جا پَذیرایی هاکِردِنِه.

اِسا گه خِدای صِلح و سلامتی هون اَبَدی عهدی خونی طریق، اَمِه خِداوند عیسی رِه مِردِگونی جا زینِّه هاکِردِه، یَعنی گِسَنِنی گَتِ چَپونِ، همون خِدا شِمارِ هر خِبِ چی ای هَمرا مِجهز هاکِنِه، تا وی ارادِه رِه بِجا بیارین. تا اونچی گه خِدارِه راضی کِنِّه عیسی مَسیحی طریق اَمِه دِلِه اَنجام بَرِسانِّه، همون عیسی مسیح گه تا اَبَد و تا اَبَد وِرِه جلال ووئه.آمین.