Versets bíblics populars de نامِه مَسیحینی عبرانی نِژادی سِه 10

Comparteix

جَم بَووئَنی جا همدیَری هَمرا دَس نَکِشیم، هَمونجور گه بَعضیایی سِه عادَت بَوِه، بَلگی ویشتَر هَمدِیَرِ تَشویق هاکِنیم - بخصوص اَلَن گه وینِنی هون روز، یَعنی خِداوند عیسایی دَگِرسنی روز، همینجور دِ نَزیک وونِه.

بیئین هَین فِکری دِلِه دَووئیم گه چِتی هَمدِیَرِ تشویق هاکِنیم تا مِحبت هاکِنیم و خِبِ کارا اَنجام هادیم.

بیئین بدونِ هَینگه شَک هاکِنیم، هون اِمیدی گه اونِه اعتراف هاکردمی رِه قائِم بَچِسبیم، چون اونیگه وَعدِه هادا وفادارِ.

چون شِما احتیاج دارِنی گه طاقت بیارین، تا هون موقِه گه خِدایی خواسِّه رِه بِجا اُرِنی اونچی گه وعده هادا بَوِه رِه بِدس بیارین.

بیئِین یَتِه راسِ دِل و کامِلِ ایمونی هَمرا خِدارِه نَزیک بَووئیم، و شی دِلیشونِه بَدِ وِجدانی جا پاک هاکِنیم و شی تَنیشونِه پاکِ اُوئی هَمرا بَشوریم.

پَس شی اطمینانی جا دَس نَکِشین، گه یَتِه گَتِه پاداش شی دِمال دارنِه.

چون اگه بعد از اونگه حَیقتِ بِشناسیمی، عمداً هینجوری گِناه هاکِنیم، دِ گِناهِنی سِه هیچ قِروونی ای بِجا نَمونِّه؛ اونچی گه بِجا مونِّه، تَرسی هَمرا اِنتظار بَکِشیَن، مِجازات و یَتِه گَتِ تَش گه خِدایی دِشمَنِنِ بَل دِنِه.