Versets bíblics populars de کولُسیان 2

Comparteix

پَس هَمونجور گه مَسیحْ عیسای خِداوندِ قَبول هاکِردِنی، وی دِلِه زندگی هاکِنین: وی دِلِه بِنِه دَوِنین و رشد هاکِنین، و ایمونی دِلِه پابرجا ووئین، و هَمونجور گه یاد بَیتِنی، شِکر هاکِردنی جا پِر ووئین.

هوشیار ووئین تا هیچکَس شِمارِ فلسفه و بیخِدی گول بَزوئنی هَمرا گِرفتار نَکِنِه، گه نا مَسیحی سَر، بَلگی آدَمِنی رَسم و رُسومات و هَین دِنیایی اصولی سَر پابرجائه.

و خِدا شِمارِ گه شی گِناهِن و شی خَتنِه نَووئن جسمی دِلِه بَمِرد وِنی، مَسیحی هَمرا زینِّه هاکِردِه. وی دِشتِه اَمِه خطائیشونِه بِبخشیِه و هون قرضهایی سَنَدِ گه قانونهایی طریقی جا اَمِه علِیه بَنوِشت بَوِه رِه باطِل هاکِردِه و از بِین بَوردِه. و صلیبی سَر مِخکوب هاکِردِه.

چون دِشتِه ذاتِ الهی ای پِری، جسمی تَرا مسیحی دِلِه دَرِه، و شِما هَم مسیحی دِلِه، گه دِشتِه ریاستیشون و قِدرتیشونِه سَرِ، پِر بَوِنی.

پَس نِلین هیچکی شِمارِ اونچی ای خَوَری گه خارِنی و نوشِنِنی، یا عید و تازِه ماه و مِقدّسِ شنبه ای روزی خَوَری، قضاوت هاکِنِه. هَینِن هون چیایی سایِه هَسِّنِه گه اِنِه، ولی اَصلِ اونان مَسیحی دِلِه بَنگیت وونِه.