Versets bíblics populars de دِوّمین نامِه قُرِنتیانی سِه 4

Comparteix

پَس اونچی گه بِشِنِه بَئیَنِ، نِشِمی، بَلگی اونچی گه نِشِنِه بَئیَنِ، اِشِمی، چونگه هون چیایی گه بِشِنِه بَئیَن زود گِذرِ، ولی هون چیایی گه نِشِنِه بَئیَن اَبَدیِه.

پَس نااِمید نَوومی. هر چَن اَمِه ظاهر دِ از بِین شونِه، اَمِه باطن هر روز تازه تر وونِه. چونگه اَمِه کِچیک و زود گِذَرِ رَنجیشون، اَبَدی جَلال اَمِسِه اُرنِه گه نِشِنِه هون رنجیشونی هَمرا قیاس هاکِردن.

اَما هر طرف سختی ای دِلِه دَرمی، ولی نِشکِسِمی؛ بِهت کِمّی، ولی نااِمید نیمی؛ عذاب کَشِمی، ولی وِل هاکِرد نَوِمی؛ بِنِه بَخاردمی، ولی کم نیاردمی؛

ولی هَین گنجیشونِه گِلی پیلَکیشونی دِلِه دارمی، تا معلوم ووئِه گه هَین گَتِه قِدرت خِدایی جائِه نا اَمِه جا.

هَین دِنیایی خِدا، بی ایمونِنی فِکرارِ کور هاکِردِه تا مسیحی جَلالی اِنجیلی نور گه خِدایی دیمِ رِه، نَوینِن.

چون هَمون خِدا گه بُتِه: «نور، تاریکی ای جا بَتابِه،» شی نورِ اَمِه دِلی دِلِه بَتابانیِه تا خِدایی جَلالی بِشناسیَنی هَمرا، مسیحی دیمی دِلِه، اَمارِه نورانی هاکِنِه.