Versets bíblics populars de اول پِطرُس 2

Comparteix

ولی شِما انتِخاب بَوِه نَسل و کاهنِنی هَسِّنی گه شاهانِه کاهنی کِنِنی، شِما مِقدَّس مِلَّت و مَردنی هَسنی گه خِدایی مِلکِنی، تا وی عالی صِفاتِ اعلام هاکِنین گه شِمارِ تاریکی ای جا شی عجیبِ نوری سِه بَخونِسِه.

مسیح شِه اَمِه گِناهنِ شی تَنی دِلِه صَلیبی سَر دوش بَکِشیِه، تا اَما گِناهی سِه بَمیریم و صالِحی ای سِه زندگی هاکِنیم، وی زَخمهایی هَمرا شَفا بَیتِنی. چون شِما هِتی گِسنِنی تَرا وِنی گه شی راهِ گِم هاکِرد وِنی، ولی اِسا چَپون و شی جانهایی ناظری سَمت دَگرِسنی.

پِشتر قومی نَوِنی، ولی اَلَن خِدایی قومِنی؛ یه موقِه خِدایی رَحمَتی جا محروم وِنی، ولی اَلَن خِدایی رَحمَتِ بَیتِنی.

و هِتی زِلاغ وَچیلِه ای تَرا، روحانی پاکِ شیری ذوقِ دارین تا اونی طریق نِجاتی دِلِه رشد هاکِنین،

اِی عَزیزِن، شِمِه جا گه هَین دِنیایی دِلِه مِسافر و غریبِنی خواهش کِمِّه گه جسمی هوا و هوسی جا گه شِمِه روحی علِیه دِ جنگ کِنِنِه، دوری هاکِنین. بی‌ایمونِنی میِن شِمِه کِرد و کار مِحترم ووئِه تا اونانیگه شِمِه علِیه گب زَنِنِه گه شِمِه اعمال بَدِ، شِمِه خِبِ کاری هارشینی هَمرا، خِدارِه هون روزی دِلِه گه ویمّی، پرسِش هاکِنَن.

شِما شِه هَم هِتی زینِّه سَنگهایی تَرانی، گه یَتِه روحانی عمارَت شِمِه جا بَسات وونِه تا مقدَّسِ کاهِنِنی تَرا ووئین تا عیسی مَسیحی طریقی جا، روحانی قِروونی ها گه خِدا هونِنِه قَبول کِنِّه پیشکش هاکِنین.

پَس هر جور بَدی، و هر جور حیله و دُرویی و حَسودی، و هر جور تِهمَتِ شیجا دور هاکِنین

وی نَزیک بَووئنی هَمرا، یَعنی هون زینِّه سنگ گه مَردِن هونِه دیم بَدانِه، ولی خِدایی وَر انتِخاب بَوِه و باارزِشِ،

هِتی آزادِ مَردنی تَرا زندگی هاکِنین، ولی شی آزادی رِه یَتِه سَرپوش شرارتی سِه نَکِنین، بَلگی هِتی خِدایی نوکَرِنی تَرا زندگی هاکِنین.

چون خِدایی خواسِّه هَینِه گه شی خِبی هاکردنی هَمرا، نادونِ مَردِنی احمقانِه گَبی دَمِ بَیرین.