Versets bíblics populars de اوّل یوحنا 4

Comparteix

مِحبتی دِلِه تَرس دَنیِه، بَلگی کامِلِ مِحبت تَرسِ دیرگا کِنِّه؛ چون تَرس تَنبیهی جا سَرچِشمِه گیرنِه و اونیگه تَرسِنِه، مِحبتی دِلِه کامِل نَوِه.

اِی کِچیک وَچیلِه، شِما، خِدایی جا هَسِّنی و وِشونِه حریف بَوِنی، چون اونیگه شِمِه دِلِه دَرِه اونی جا گه دِنیایی دِلِه دَرِه گَت تَرِ.

اَما مِحبت کِمّی چون اَوَّل وی اَمارِه مِحَبت هاکِردِه.

اِی عَزیزِن، بیئِین هَمدیَرِ مِحَبت هاکِنیم، چون مِحَبت خِدایی جائِه و هر کی مِحَبت کِنِّه، خِدایی جا دِنیا بیمو و خِدارِه اِشناسِنِه.

اونیگه مِحَبت نَکِنِّه، خِدارِه نِشناسیِه، چون خِدا مِحَبتِ.

مِحَبت هَمینِه، نا اونگه اَما خِدارِه مِحَبت هاکِردِمی، بَلگی وی اَمارِه مِحَبت هاکِردِه و شی ریکارِه بَرِسانیِه تا اَمِه گِناهِنی کَفّارِه ووئِه.

اِی عَزیزِن، اگه خِدا هَینجوری اَمارِه مِحَبت هاکِردِه، اَما هَم وِنِه هَمدیَرِ مِحَبت هاکِنیم.

خِدایی مِحبت هَینجوری اَمِه میِن ظاهِر بَوِه گه خِدا شی یَتّا ریکارِه دِنیایی دِلِه بَرِسانیِه تا وی طریق زندگی داریم.

اگه کَسی گِنِه گه خِدارِه دوس دارمِه، و شی بِراری جا بیزارِ، هون آدَم دِروزَنِه. چون هون کسی گه شی بِرار گه وینِّه رِه دوس نارنِه، نَتِنِّه خِدایی گه نَئیِه رِه، دوس دارِه.

اونیگه اعتراف کِنِّه عیسی خِدایی ریکائِه، خِدا وی دِلِه مونِّه و وی خِدایی دِلِه.

اَما هَین حِکمِ ویجا بَیتِمی گه هر کی خِدارِه دوس دارنِه، شی بِرارِ هَم وِنِه دوس دارِه.

اِی عَزیزِن، هر روحِ باوَر نَکِنین، بَلگی روحیشونِه آزمود هاکنین گه خِدایی جانِه یا نا. چون دِنیایی دِلِه خِیلی دِردِرو پِیغَمبَرِن دَرِنِه. خِدایی روحِ هَینجوری اِشناسِمی: هر روح گه اعتراف هاکِنِه عیسی مسیح آدَمی جِسمی دِلِه بیمو، خِدایی جائِه.

و هر روح گه عیسی رِه اعتراف نَکِنِّه، خِدایی جا نیِه. هَین هَمون ’ضِدِّ مسیحِ‘ روحِ گه بِشنُسِنی اِنِه و اَلَن هَم دِنیایی دِلِه دَرِه.