Versets bíblics populars de اِنجیلِ مَتّی 18

Comparteix

چونکه هَر جا دو یا سِه نَفر می اسمِ هَمرَه جَمع هَبون، مَن اوجِه اوشانه میَن دَرَم.»

اینم شِمِره گونَم اَگِه شیمی جی دو نفر زَمینِ سَر اونچه یه باره که خُدایِ جی خَنید یِک دِل هَبین، می آسِمانی پیَر اونِه شِمِره دَنه.

عیسی ایتا وَچِه رِه دُخوانِسِّه و اونه جی بِخواسِّه شاگِردانِ میِن بیِیَسه. وَ باَگوته: «راس راسی شِمِره گونَم، تا عَوَض نَبین و کوچِ وَچِه شانِ مِثان نَبین، هیچ وخت نَتَّنید آسمانِ پادشاهِی یه دِلِه بیشین.

هَرکی خودِش رهِ این کوچِه وَچِه یه مِثان کوچِک هَکونه، آسمانِ پادشاهِی یِه دِلِه گَت تَرین بونه.

هر کی اینجور وَچِه رِه می اِسمِ خاطِری قَبول هَکونه، مَرِه قَبول هَکُردِه.

«راس راسی شِمِره گونَم، هَر چی زَمینِ سَر دَبِدین، آسِمانِ دِلِه هَم دَبِسِّه بونه؛ وَ هَر چی زَمینِ سَر واز هَکُنید، آسِمانِ دِلِه هَم واز بونه.

هَمینجور هَم می پیَر که آسمانِ دِلِه دَرِه این بَلا رِه شیمی سَر هارنه، اَگِه شُما هَم شیمی اَداشه دِلِ جی نِبَخشین.»

«وَلی هر کی باعِث هَبو ایتا ازاین کوچِکان که مَرِه ایمان داره بِه گُناه دَکِه، اونه رَه بِهتَر با که خودشه گَردَن آسیاب سَنگ دَبِدِه و دَریایِ جَلِ جایِ دِلِه غَرق هَبو!

چی گَمان کانید؟ اَگِه ایتا مَردَای صد تا گوسِند بِدارِه و ایتا اَز اوشان گُم هَبو، تی نَظَر اون نَوَد و نِه گوسِند دیگَرِ کوهِ دِلِه وِل نُکانِه و گُم هَبوسِّه گوسِند دُمّال نَشونِه؟