Versets bíblics populars de انجیلِ مَرقُس 12

Comparteix

عیسی وَش فرمایش کِه: «مهمترین حکم یِنِه: "گوش کِ ای اسرائیل، خداوند خِدِی ایما، خداوندِ یکتایَه. خداوند خِدِی خِتَه بِی تمومیِ دل وِ بِی تمومیِ جون وِ بِی تمومیِ فکر وِ بِی تمومیِ قویَتِ خُوت دوس داشتَه بو." دِوِمین حکم یِنِه: "هُمساتَه مِی خُوت دوس داشتَه بو." گَپوتَر وَ ای دِتا حکمی نی.»

اوسِه عیسی شاگردلِشَه صیا کِه وُ وَشون فرمایش کِه: «وَراسی، وَ ایشا ایگُم، ای بیوه‌زَنِ فقیر وَ تَمومِ اونگَل که پیل وِردان مِنِه صندوق، بیشتَر پیل دایِه. سی‌یِکِه تَمومِ اونگَل وَ زیادیِ دارایی‌شون دان، امّا ای زن مِنِه تنگدَسیِ خُوش، هر چیئی که داشت دا، یعنی تَموم روزیشَه دا.»

عیسی نِشَسَه بی وَرِ صندوقِ بیت‌المالِ معبد وَ تَماشِی مردمی که پیل وِرایدان مِنِه صندوقِ پیشکِش. خیلی وَ دارایَل پیلِ هِنگُفتی ایدان. اوسو بیوه‌زنی فقیر اومَه وِ دِ قِرُش وِردا مِنِه صندوق.

وُ وِّ نَه بِی تمومیِ دل وِ بِی تمومیِ فهم وِ بِی تمومیِ قویَتِ خُوت دوس داشتَن وِ هُمساتَه مِی خُوت دوس داشتَن، وَ تَمومِ پیشکِشَلِ سُتَنی وِ قُربونی‌یَل مهمتَرِه.»

عیسی وَشون گُت: «پَ این امپراتورَ وَ امپراتور بِئیت وِ این خدا نَه وَ خدا.» اونگَل وَ گَپَلِ وِّ حیرون وابی‌یِن.