Versets bíblics populars de متّانین رئوایت 7

Comparteix

ائسته‌یئن، سئزه ورئله‌جک؛ آختارین، تاپاجاقسیز؛ قاپینی دؤیون، سئزه آچیلاجاق.

چونکی هر ائسته‌ین آلیر، آختاران تاپیر و قاپینی دؤیَنه، آچیلیر.

بله ده، منئم بو سؤزلرئمی کئم اشئدئب اولارا عمل اله‌سه، اونی او آغیلّی آداما بنزه‌دئرم کی، اِوئنی داش اوستونده تئکدی.

بونا گؤره، آداملار ائنان اِله رفتار اله‌یئن کی، ائسته‌یئرسئز اولار دا سئز ائنن اله رفتار اله‌سئنلر. چونکی تؤورات و پیغمبرلرئن یازیلاری بودور.

حیاتا آپاران قاپی دار و یول اِنسئزدئر؛ بو یولی تاپانلار آزدیرلار.

دار قاپیدان ائچه ‎ری گئرئن؛ چونکی هلاکته آپاران قاپی گنئش و یول اِنلی‎ دئر؛ بو قاپیدان گئرنلر چوخدور.

ائندی اگر سئز کی شرورسوز، بئلئرسئز کی نجه اؤولادلاریزا یاخشی هدئیّه‌‎لری وره‎ سئز، نه قدر آرتیق، گؤیده کی آتاز اوندان ائسته‌یَنلره یاخشی شیلر وره‌جک.

حؤکم اله‌مه‌یئن، سئزه ده حؤکم اولماز. چونکی نه حؤکم ائنن موحاکئمه الئیه‌سئز، اونونان دا موحاکئمه اولوناجاقسیز؛ و هانسی اؤلچی ائنن اؤلچه‌سئز، او اؤلچی ائنن ده سئزه اؤلچوله‌جک.

آمّا هر کس منئم بو سؤزلرئمی اِشئدئر و اولارا عمل اله‌مئر، بئر آغیلسیز آداما بنزه‌یئر کی، اِوئنی قوم اوستونده تئکدی.

نه اوچون قارداشینین گؤزونده‌کی چؤپی گؤرورسَن، آمّا اؤز گؤزونده‌کی آغاج کؤتوهونی سِچمئرسن؟! اؤز گؤزونده اولان آغاج کؤتوهونی گؤرمه‌دئیئن حالدا، نجه قارداشینا دئیه‌بئلرسن: ”قارداش، قوی گؤزونده‌کی چؤپی چیخاردیم؟!“

یالان اولان پیغمبرلردن اؤزوزی اوزاق ساخلایین کی، یانیزا قویون جئلدئنده گلئرلر، آمّا باطئنده وحشی قورددورلار. سئز اولاری میوه‌لرئندن تانییاجاقسیز. مگر تئکانلاردان اوزوم و گَوَندن انجئر دَررلر؟!

بوجور دا، هر یاخشی آغاج یاخشی میوه ورَر؛ آمّا پئس آغاج پئس میوه گتئرر.

یاخشی آغاج پئس میوه وره‌بئلمز؛ پئس آغاج دا یاخشی میوه وره‌بئلمز.

یاخشی میوه ورمه‌ین هر آغاج کسئلر و اودا آتیلار.