Versets bíblics populars de متّانین رئوایت 28

Comparteix

اونا گؤره گدئن و بوتون خالقلاری منه شاگئرد اِله یئن. و اولاری آتا، اوغول و موقدّس روحون آدی ائنن تعمئد ورئن. اولارا اؤیرَدئن کی، سئزه امر اله‌دئیئم بوتون شیلری ساخلاسینلار. باخین، من دونیانین آخیریناجاق هر گون سئز ائنَنم.»

عئسا یاخینلاشیب اولارا ددی: «گؤیده و یر اوزونده بوتون قودرت منه ورئلئب.

ملک آروادلارا ددی: «قورخمایین، بئلئرم کی، چارمیخا چکئلمئش عئسانی آختاریرسیز. او، بوردا دیئل، چونکی ددئیی کئمی دئرئلئب. گلئن ربّئن یاتدیغی یری گؤرون.

او زامان عئسا اولارا ددی: «قورخمایین! گدئن، قارداشلاریما خبر ورئن کی، جلئله گتسئنلر. منی اوردا گؤره‌جکلر.»

اولار آغساقّاللار ائنان بئر یِره ییغیلیب مشورت اِله‎‎ یندن سورا، سربازلارا چوخلی پول ورئب ددئلر: «دیئن کی، اونون شاگئردلری بئز یوخودا اولاندا گجه ائنن گلئب اونی اوغورلاییبلار. اگر بو باره‌ده خبر والئیه گلئب چاتسا، بئز اونی راضی اِلئیه‌رئک و سئزی بلادان قورتاراریق.» اولار دا پولی آلیب امر اولوندوغی کئمی اله‌دئلر. و بو سؤز بو گونه کئمی یهودئلر آراسیندا یاییلیبدیر.