Versets bíblics populars de Revelation 14

Comparteix

ထို့နောက် “ဤအရာကိုရေးမှတ်ထားလော့။ ယခုမှစ၍ ကိုယ်တော်ယေရှုကို သစ္စာရှိစွာ ယုံကြည်လျက် သေလွန်သောသူတို့သည် မင်္ဂလာရှိကြ၏” ဟု ရွှေမြို့တော်မှပြောဆိုသံကို ကျွန်ုပ်ကြားရ၏။ ဉာဏ်အလင်းတော်ကလည်း “မှန်ပေ၏။ သူတို့ပြုခဲ့သောအရာများအတွက် ဆုပေးခံကြရသဖြင့် သူတို့သည် ပင်ပန်းဆင်ရဲစွာ လုပ်ဆောင်ခြင်းမှ အနားယူခွင့်ရကြလိမ့်မည်” ဟု မိန့်တော်မူ၏။

ဤအကြောင်းကြောင့် ဘုရားရှင်၏ပညတ်တော်တို့ကို လိုက်နာ၍ ကိုယ်တော်ယေရှုကို စွဲမြဲစွာ ယုံကြည်သည့် မြင့်မြတ်သူတို့သည် သည်းခံရန်လို၏။

ထိုနတ်ဒေဝါက “တရားစီရင်တော်မူမည့် အချိန်ရောက်လာပြီဖြစ်သောကြောင့် ဘုရားရှင်ကို ကြောက်ရွံ့၍ ဘုန်တော်ကို ချီးမွမ်းကြလော့။ ကောင်းကင်နှင့်မြေကြီးကိုလည်းကောင်း ဖန်ဆင်းတော်မူသည့်အရှင်ကို ကိုးကွယ်ကြလော့” ဟု ကျယ်လောင်စွာ ကြွေးကြော်လေ၏။

ထို့နောက် တတိယနတ်ဒေဝါသည် သူတို့နောက်သို့လိုက်၍ “တစ်စုံတစ်ယောက်သည် သားရဲနှင့် သားရဲ၏ရုပ်တုကို ကိုးကွယ်ပြီး နဖူး၊ သို့မဟုတ် လက်၌ သားရဲ၏ အမှတ်တံဆိပ်ကို ရိုက်နှိပ်ထားလျှင် ဘုရားရှင်၏အမျက်တော်ဖလားထဲ၌ ပြည့်လျှံစွာ လောင်းထည့်ထားသည့် အမျက်တော် စပျစ်ဝိုင်ကိုသောက်ရမည်။ ထိုသူတို့သည် မြင့်မြတ်သော နတ်ဒေဝါများနှင့် သိုးသငယ်တော်ရှေ့တွင် ကန့်နှင့်ရောသော မီးထဲ၌ ညှဉ်းဆဲခြင်းကို ခံရလိမ့်မည်။ ထိုသို့ သူတို့ခံစားရသည့် ညှဉ်းဆဲခြင်း၏ မီးခိုးတို့သည် အစဉ်ထာဝရ အထက်သို့တက်နေ၏။ သားရဲနှင့် သူ၏ရုပ်တုကို ကိုးကွယ်၍ သူ့အမည်၏ အမှတ်တံဆိပ်ကို ရိုက်နှိပ်ခံထားသော သူတို့သည် နေ့ညမပြတ် သက်သာရာရလိမ့်မည်မဟုတ်” ဟုကျယ်လောင်စွာကြွေးကြော်၏။

ထို့နောက် ကျွန်ုပ်ကြည့်လိုက်ရာ ဇိအုန်တောင်ပေါ်တွင် ရပ်နေသော သိုးသငယ်တော်ကိုမြင်ရ၏။ သူ၏နာမတော်နှင့် ခမည်းတော်၏ နာမတော်ကို နဖူး၌ရေးထားခံရသူ တစ်သိန်းလေးသောင်းလေးထောင်တို့သည်လည်း သူနှင့်အတူရှိကြ၏။

ကမ္ဘာပေါ်ရှိဘာသာစကားအမျိုးမျိုးနှင့် လူမျိုးစုအားလုံးအား ထာဝရသတင်းကောင်းတစ်ခု ကြေညာရန် ကောင်းကင်ကိုဖြတ်၍ ပျံသန်းလာသော အခြားနတ်ဒေဝါတစ်ပါးအား ငါတွေ့ခဲ့၏။

ထို့နောက် ဒုတိယနတ်ဒေဝါသည် လိုက်လာ၍ “ဘေဘီလုံမြို့ကြီး ပြိုပျက်ပြီ။ ပြိုပျက်ပြီ။ ထိုမြို့သည် လူမျိုးအပေါင်းတို့အား တရားနှင့်မညီသော မေထုန်ဟူသည့် သူ၏စပျစ်ဝိုင်ကိုတိုက်၏” ဟုဆို၏။