Versets bíblics populars de Psalms 112

Comparteix

သူသည် သတင်းဆိုးကို ကြောက်ရလိမ့်မည်မဟုတ်။ သူ၏စိတ်နှလုံးသည် တည်ကြည်လျက် ဘုရားရှင်ကိုယုံကြည်ကိုးစား၏။

ဘုရားရှင်ကို ချီးမွမ်းထောမနာပြုကြလော့။ ဘုရားရှင်ကိုကြောက်ရွံရိုသေ၍ ကိုယ်တော်၏ပညတ်တော်တို့ကို အလွန်နှစ်သက်သောသူသည် မင်္ဂလာရှိ၏။ သူ၏သားစဉ်မြေးဆက်တို့သည် ကမ္ဘာမြေပေါ်တွင် ခွန်အားကြီးသောသူများဖြစ်ကြလိမ့်မည်။ ဖြောင့်မှန်သောသူတို့၏ မျိုးဆက်သည် ကောင်းချီးမင်္ဂလာကိုခံစားရလိမ့်မည်။

သူ၏စိတ်နှလုံးသည် တည်ငြိမ်သည်ဖြစ်၍ သူသည် မိမိ၏ရန်သူတို့ကို အပေါ်စီးမှကြည်မြင်ရသည်အထိ ကြောက်ရွံခြင်းရှိလိမ့်မည်မဟုတ်။

ဖြောင့်မှန်သောသူအတွက် အမှောင်ထဲတွင် အလင်းပေါ်ထွန်းတတ်၏။ သူသည် သနားကြင်နာတတ်၍ ဂရုဏာတော်နှင့်ပြည့်ဝတော်မူ၏။

သနားတတ်သောသူ၊ ချေးငှားပေးတတ်သောသူနှင့် မိမိ၏အမှုကိစ္စတို့ကို တရားမျှတစွာ စီမံခန့်ခွဲတတ်သောသူသည် ကောင်းကျိုးချမ်းသာကိုခံစားရ၏။

အကယ်စင်စစ် ထိုသို့သောသူသည် မည်သည့်အခါမျှတုန်လှုပ်ရလိမ့်မည်မဟုတ်။ ဖြောင့်မတ်သောသူသည် အစဉ်အမြဲအောက်မေ့စရာဖြစ်လိမ့်မည်။