Versets bíblics populars de ရှင်မာကု 9

Comparteix

ကိုယ်တော်ကလည်း “သင်ယုံကြည်နိုင်သလော။ ယုံကြည်သူအဖို့ မည်သည့်အရာကိုမဆို တတ်နိုင်၏” ဟု မိန့်တော်မူ၏။

ထိုအခါ လူငယ်၏ဖခင်က “အကျွန်ုပ် ယုံကြည်ပါ၏။ ပို၍ ယုံကြည်လာစေရန်လည်း ကူညီမစတော်မူပါ” ဟုငိုကြွေး၍ လျှောက်တင်လေ၏။

ထို့နောက်တွင် ကိုယ်တော်ယေရှုသည် အိမ်တစ်အိမ်၌ တပည့်တော်များနှင့်အတူ သီးသန့်ရှိနေစဉ် တပည့်တော်တို့က ကိုယ်တော်အား “ကျွန်ုပ်တို့သည် အဘယ်ကြောင့် ဤမကောင်းဆိုးဝါးအား မနှင်ထုတ်နိုင်ရပါသနည်း” ဟုမေးလျှောက်ကြသော် ကိုယ်တော်က “ဆုတောင်း​ခြင်းနှင့် အစာရှောင်ခြင်း နည်းလမ်းမှလွဲ၍ တခြားမည်သည့်နည်းနှင့်မှ ထိုကဲ့သို့မကောင်းဆိုးဝါးကို မနှင်ထုတ်နိုင်” ဟုမိန့်တော်မူလေ၏။

ဆားသည် ကောင်းမွန်၏။ သို့သော် အငံဓါတ်ပျောက်ဆုံးသွားလျှင် မည်သို့မှပြန်၍ အငံဓါတ်ရအောင် လုပ်နိုင်တော့မည်မဟုတ်။ ဆားသည် အစားအစာများအား အရသာတိုးစေသကဲ့သို့ သင်တို့သည်လည်း သူတစ်ပါးကောင်းကျိုးအတွက် ဆောင်ရွက်၍ အချင်းချင်းသင့်မြတ်စွာနေကြလော့” ဟုမိန့်တော်မူလေ၏။

“ငါ၏ အမည်နာမအား အမှီပြု၍ ဤကလေးငယ်ကို လက်ခံကြိုဆိုသည့်သူသည် ငါ့အားလက်ခံကြိုဆိုသည့်သူဖြစ်၏။ ငါ့အားလက်ခံကြိုဆိုသည့်သူသည်လည်း ငါ့ကိုသာမက ငါ့အားစေလွှတ်တော်မူသည့် ဘုရားရှင်အား လက်ခံကြိုဆိုသည့်သူဖြစ်၏” ဟု မိန့်တော်မူ၏။

တစ်စုံတစ်ဦးက သင်သည် ခရစ်တော်၏တပည့်ဖြစ်သည်ကိုထောက်၍ ရေတစ်ခွက်ပင် တိုက်ခဲ့ပါက ဤသို့ပြုလုပ်သောကြောင့် ထိုလူသည် ကောင်းကျိုးဆုလာဒ်များစွာရရှိမည်မှာ အသေအချာပင်ဖြစ်၏။”

“တစ်စုံတစ်ဦးက ငါ့ကိုယုံကြည်သူများထဲမှ တစ်ယောက်ကိုဖြစ်စေ ယုံကြည်မှုပျက်ပြား၍ အပြစ်တစ်စုံတစ်ရာပြုမိစေရန် လုပ်ဆောင်လျှင် ထိုသို့လုပ်မိသူသည် လည်ပင်း၌ လေးလံသောကျောက်တုံးကို ချိတ်ဆွဲလျက် ပင်လယ်ထဲသို့ ခုန်ချလိုက်ခြင်းသည်သာ ပို၍ကောင်းလိမ့်မည်။

ထိုကဲ့သို့ပင် သင့်မျက်လုံးတစ်လုံးသည် အပြစ်ဒုစရိုက်ကို ကျူးလွန်မိခဲ့လျှင် ထိုမျက်လုံးအား ဖောက်ထုတ်လော့။ မျက်လုံးနှစ်လုံး အစုံရှိသော်လည်း ငရဲကျနေသည်ထက် မျက်လုံးတစ်လုံးမပါသော်လည်း ဘုရားရှင်၏ရွှေမြို့တော်သို့ ဝင်ရခြင်းသည် ပို၍ကောင်းပေလိမ့်မည်။