Versets bíblics populars de ယောဟန် 15

Comparteix

ငါသည် စပျစ်ပင်ဖြစ်၍ သင်တို့သည် အကိုင်းအခက်များဖြစ်ကြ၏။ မည်သူမဆို ငါ၌အတူရှိ၍ ငါသည်လည်း ထိုသူ၌ရှိလျှင် ထိုသူသည် များစွာသောအသီးကို သီးတတ်၏။ ငါနှင့်ကင်းကွာလျှင် သင်တို့သည် မည်သည့်အရာကိုမျှ မပြုနိုင်ကြ။

ငါနှင့်အတူရှိကြလော့။ ငါသည်လည်း သင်တို့နှင့်အတူ ရှိတော်မူမည်။ စပျစ်ကိုင်းသည် စပျစ်ပင်၌မတည်မနေလျှင် အလိုအလျောက်အသီးမသီးနိုင်သကဲ့သို့ သင်တို့သည်လည်း ငါ၌အတူရှိမနေလျှင် အသီးမသီးနိုင်။

သင်တို့သည် ငါ၌အတူရှိ၍ ငါ့စကားတို့သည် သင်တို့၌အတူရှိလျှင် သင်တို့လိုအပ်သမျှကို တောင်းကြလော့။ တောင်းလျှင် သင်တို့အတွက် ပြည့်စုံစေတော်မူလိမ့်မည်။

သင်တို့သည် ငါ့အား ရွေးချယ်ကြသည်မဟုတ်။ ငါသာလျှင် သင်တို့အား ရွေးချယ်သဖြင့် သင်တို့သည် သွားလျက် သီးနှံများဖြစ်ထွန်း၍ သင်တို့၏သီးနှံများ တည်မြဲစေမည့်အကြောင်းနှင့် ငါ့နာမ၌ ခမည်းတော်အား တောင်းလျှောက်သမျှတို့ကို သင်တို့အား ခမည်းတော်သည် ပေးတော်မူမည့်အကြောင်းတို့ကြောင့် ငါသာလျှင် သင်တို့အား ရွေးချယ်ထားခြင်းဖြစ်၏။

မိမိ၏မိတ်ဆွေများအတွက် မိမိအသက်အား စွန့်ခြင်းထက် သာ၍ကြီးမြတ်သောချစ်ခြင်းမေတ္တာဟူသည် မရှိ။

ခမည်းတော်သည် ငါ၌အသီးမသီးသော အကိုင်းအခက်ရှိသမျှကို ခုတ်ထွင်ဖယ်ရှားတော်မူ၏။ အသီးသီးသော အကိုင်းအခက်ရှိသမျှကိုမူ သာ၍သီးပွင့်စေရန် ကိုင်းဖြတ်ပြုပြင်ပေးတော်မူ၏။

ငါ၏ပညတ်ချက်ကား ‘ငါသည် သင်တို့ကို ချစ်ခြင်းမေတ္တာထားသကဲ့သို့ သင်တို့အချင်းချင်းသည်လည်း ချစ်ခြင်းမေတ္တာထားကြလော့’ ဟူ၍ဖြစ်၏။

သင်တို့သည် များစွာသောအသီးသီးလျက် ငါ၏တပည့်တော်များဖြစ်ခြင်းအားဖြင့် ငါ့ခမည်းတော်သည် ဘုန်းတော်ထင်ရှားတော်မူ၏။

တဖန် ကိုယ်တော်ယေရှုသည် “ငါသည် စစ်မှန်သောစပျစ်ပင်ဖြစ်၏။ ငါ့ခမည်းတော်ကား ဥယျာဉ်မှူးဖြစ်တော်မူ၏။

တစ်စုံတစ်ဦးသည် ငါ၌အတူမရှိလျှင် လွှင့်ပစ်ခံရ၍ ညှိုးနွမ်းခြောက်သွေ့သွားသော အကိုင်းအခက်ကဲ့သို့ ဖြစ်လိမ့်မည်။ လူတို့သည် ၎င်းတို့ကို စုစည်းလျက် မီးထဲသို့ ပစ်ချလိုက်ကြသဖြင့် လောင်ကျွမ်းသွားကြ၏။

သင်တို့၌ ငါ၏ဝမ်းမြောက်ခြင်းရှိ၍ သင်တို့၏ဝမ်းမြောက်ခြင်းသည် ပြီးပြည့်စုံစေမည့်အကြောင်း ဤအရာများကို သင်တို့အား ငါပြော၏။

ငါသည် ခမည်းတော်၏ပညတ်ချက်များကို စောင့်ထိန်း၍ ခမည်းတော်၏ချစ်ခြင်းမေတ္တာတော်၌ရှိနေသကဲ့သို့ သင်တို့သည်လည်း ငါ၏ပညတ်ချက်များကို စောင့်ထိန်းလျှင် ငါ၏ချစ်ခြင်းမေတ္တာ၌ ရှိနေကြလိမ့်မည်။

သင်တို့အချင်းချင်းချစ်ခြင်းမေတ္တာထားကြလော့ဟူသော ဤပညတ်ချက်ကို သင်တို့အား ငါပေး၏” ဟု မိန့်တော်မူ၏။

သင်တို့သည် ဤလောကနှင့်ဆိုင်ခဲ့လျှင် လောကသားတို့သည် မိမိတို့နှင့်ဆိုင်သော သင်တို့ကို ချစ်ခင်ခဲ့ကြပေလိမ့်မည်။ သို့သော် သင်တို့သည် ဤလောကနှင့်မဆိုင်။ ငါသည် သင်တို့ကို ဤလောကမှ ရွေးကောက်ခဲ့ပြီဖြစ်သောကြောင့် လောကသားတို့သည် သင်တို့ကို မုန်းကြ၏။