Versets bíblics populars de ယောဟန် 13

Comparteix

သင်တို့အချင်းချင်း မေတ္တာကရုဏာထားကြလော့။ သင်တို့အား ငါမေတ္တာထားသည့်နည်းတူ သင်တို့သည်လည်း အချင်းချင်းမေတ္တာထားကြလော့ဟူသည့် ပညတ်ချက်အသစ်ကို သင်တို့အား ငါပေး၏။ သင်တို့အချင်းချင်းကြား၌ မေတ္တာကရုဏာရှိလျှင် ထိုမေတ္တာကရုဏာကိုထောက်၍ သင်တို့သည် ငါ၏တပည့်တော်များဖြစ်ကြောင်းကို လူအပေါင်းတို့သိကြလိမ့်မည်” ဟု မိန့်တော်မူ၏။

ထို့ကြောင့် ဆရာလည်းဖြစ်၍ အရှင်လည်းဖြစ်သောငါသည် သင်တို့၏ခြေအား ဆေးလျှင် သင်တို့သည်လည်း အချင်းချင်းတို့၏ခြေကို ဆေးကြရမည်။ သင်တို့၌ ငါပြုသကဲ့သို့ သင်တို့သည်လည်း ပြုကြရန် စံနမူနာပြခဲ့ခြင်းဖြစ်၏။

ကိုယ်တော်သည်လည်း “သင်သည် ငါပြုနေသောအရာကို ယခုနားမလည်သော်လည်း နောင်အခါသဘောပေါက်လာလိမ့်မည်” ဟုမိန့်တော်မူသဖြင့်

သင်တို့အား ငါအမှန်ဆိုသည်ကား အစေခံသည် သူ၏သခင်ထက် ကြီးမြတ်သည်မဟုတ်။ စေလွှတ်ခြင်းခံရသူသည်လည်း သူ့အားစေလွှတ်သောသူထက်သာ၍ ကြီးမြတ်မည်မဟုတ်။

ဤအရာများအား သင်တို့သိမှတ်၍ ထိုအတိုင်းကျင့်သုံးကြလျှင် သင်တို့သည် မင်္ဂလာရှိကြ၏။

ကိုယ်တော်သည် ညစာစားပွဲမှထ၍ ဝတ်ရုံတော်ကိုချွတ်ပြီးလျှင် ပဝါကိုယူလျက် မိမိခါး၌စည်းတော်မူ၏။ ထို့နောက် ဇလုံ၌ ရေလောင်းထည့်၍ တပည့်တော်တို့၏ခြေအား ဆေးကြောပြီးမှ ခါး၌စည်းထားသောပဝါဖြင့် သုတ်ပေးတော်မူ၏။